Ekspert juwmaǵI

Ájiniyaz atındaǵı Nókis mámleketlik pedagogikalıq institutı «Aralıqtan oqıtıw» kafedrası oqıtıwshısı Periyzat Kojalepesovanıń 2 – a qaraqalpaq toparında Ana tili oqıtıw metodikası páninen “Sawat ashiw dáwirinde jaziwǵa úyretiw” temasında ótken ashıq sabaǵına bildirilgen ekspert komissiyasınıń

EKSPERT JUWMAǴI

Ana tili oqıtıw metodikası páni – taza jazıwǵa úyretiwdiń áhmiyetli usılınıń biri sanap turıp jazdırıw bolıp esaplanadı. Bul usıl bir qálipte, belgili bir tezlikte jazıw ritmin qáliplestiriwge járdem beredi, balalardıń jumısın janlandıradı, jazıwǵa degen qiziǵiwshiliq oyatadi. Oqitiwdiń taǵi bir usili bile-tura qáte jiberip jaziw bolıp tabıladı. Bunda oqıwshılar jiberilgen qáteni tabıwı, ne ushın hárip, buwın yaki sóz qáte jazılǵanlıǵın anıqlawı hám onı qalay dúzetiw kerekligin biliwi. Bunda klassta qáte sózdi taxtaǵa jazıw shárt emes, balalar ózleriniń dápterlerindegi qátelerdi tawıp, dúzetse maqsetke muwapıq boladı P.Kojalepesova sabaq teması ushın jaqsı miynet islegeni kórinip tur. Atap aytqanda, temaǵa baylanıslı materialları jetkilikli, kórgizbeli slaydlar tayarlaǵan. Oqıwshılardıń da lekciya sabaqqa qatnası jaqsı ekeni bergen juwaplarınan belgili boldı.

Oqıtıwshı talabalardıń óz betinshe jumıs islep úyreniwi ushın tapsırmalar, sorawlar berdi. Tiykarınan, teoriyalıq bilimlerin bekkemlewge arnalǵan bul lekciya sabaq maqsetine jetti dep oylayman.

Ol kelesi sabaqlarda ele de oqıtıwdıń jańa usıllarınan paydalanadı. Sabaq maqsetine eristi. Sol ushın men ashıq sabaq jaqsı ótildi dep esaplayman. Bul sabaq men ushın tájiriybe almasıw sabaǵı boldı.

P.Kojalepesovanıń «Sawat ashiw dáwirinde jaziwǵa úyretiw» temasında ótkergen bul ashıq sabaǵı zamanagóy pedagogikalıq texnologiyalarınıń bárshe talaplarına juwap bere aladı dep esaplaymız. Bunıń sebebi, talabalar menen doslıq principinde qatnas jasay alıwı, temanıń strategiyalıq baǵdarlarına hár tárepleme túsinik bere alıwları menen tıǵız baylanıslı bolıp otır.

Joqarıdaǵılardı esapqa ala otırıp, oqıtıwshı Periyzat Kojalepesovanıń «Sawat ashiw dáwirinde jaziwǵa úyretiw» temasındaǵı ashıq sabaǵı tálim standartlarınıń talaplarına juwap bere aladı dep esaplayman.


Ekspert: Ájiniyaz atındaǵı NMPInıń Aralıqtan oqıtıw kafedrası docenti (PhD) G.Mambetova.