Дидактик ўйин. Мавзу: "Кубиқдан минора қурамиз" таълимий ўйини

Дидактик ўйин.
Мавзу: "Кубиқдан минора қурамиз" таълимий ўйини
Мақсад:Предметларнинг катта-кичиклигига қараб кубиклардан меҳмон фойдаланишга ўргатиш.
Вазифа: Болаларни сўз луғатларига "катта"," кичик" каби сўзларни киритиш ва бу предметларни бир- биридан фарқлашга ўргатиш.
Қуриш ясаш ва Математика маркази:


Фаолиятни бориши: Тарбиячи кубиклардан минорани ўзи қуриб кўрсатади. Тарбиячи минора қураётганида гапириб туради. "Катта кубикнинг устига кичик кубикни қўяман, унинг устига ундан ҳам кичик кубикни қўяман." Болаларга ҳам худди шу ҳолатларни бажаришга ундайди. Бу ўйин 2-3 марта қайтарилади. Бошида болаларга аввал иккита қарама-қарши катталикдаги кубикларни танланади. Катта кичик кубикларни (15 ва 5 см.) олиб устма-уст қўйиш таклиф қилинади. Қурилма болалар учун унча аҳамиятга эга эмас, энг асосийси болалар "катта" ва "кичик" деган сўзларни ўзлаштиришлари лозим. Ундан кейин учта кубикдан минора қуриш таклиф қилинади.(15,10,5см) Имкон қадар кублар бир хил рангга бўялиши мақсадга мувофиқдир. Кейинчалик болаларга 5 та кубдан минора қуриш таклиф қилинади. (25,22,16,12,69) Бу вақтда болалар тез ўзлаштира олмайдилар. Тарбиячининг намунасидан ташқари бу кубикларни стол устига кетма-кет бир қатор қилиб жойлаштириб кўрсатиш мақсадга мувофиқ. Бу вақтда кубикларнинг катта-кичиклиги яққол кўринади. Машғулот давомида таълимий ва мазмунли расмлар қўлланилиши лозим.
Болалар учун амалий машқ.
Тарбиячи болалар билан ҳайвон болаларнинг кичрайтирувчи-эркаловчи номларини айтишади. Болалар олдиларида ҳайвон болалари, предметларнинг кичрайтирувчи – эркаловчи номларини ифордаловчи расмлар бор. Болалар ўз расмларидаги предметларни топиши лозим. (чойнак- чойнакча, тугма-тугмача. болға- болғача. сумка-сумкача.)
Болалар билимини аниқловчи саволлар.
Болалар биз нима қурдик? Биз минора қурдик
Минорани нимадан қурдик? Кубиклардан минора қурдик
Айиқчани қандай эркалаб чақириш мумкин?
Тулкини қандай эркалаб чақириш мумкин?
Китобни қандай аташ мумкин?