Devorbop materiallari

Devorbop materiallari





G'ishtlar

G'ishtlar va toshlar - yarim quruq presslash yoki loysimon va kremniyli (trepel, diatomit) qoldiq jinslarni va sanoat chiqindilarini (ko'mir qazib chiqarish va ko'mir kullarni  to'shintirish) orqali ularni pechlarda yondirish orqali ishlab chiqariladi.

Polistirolli beton

Polistirolli beton - engil beton turi - portland tsementini, ko'pikli polistrenin, suv va havo o'tkazadigan qo'shimchani (SDO) granulalari - gözenekli agregatni o'z ichiga olgan kompozitsion materialdir. Polistirolli betonning qattiq zichliklarini olish zarur bo'lsa, u mineral plomba (qum) ni o'z ichiga olishi mumkin. Bir mahsulotdagi polistirolli granulalar va beton bo'lgan issiqlik izolyatsiyalovchi materiallarning kombinatsiyasi tufayli qurilish materiallari uchun chidamlilik qarshiligi, hidrofobiklik, rulman xususiyatlarining eng yuqori ko'rsatkichi, issiqlik izolyatsiyasi, yong'indan himoya qilish, ovozni sovutish, sovuqqa chidamliligi va muzlatish / eritish davri (xizmat muddati).

Gazobeton energiyatejamkor qurilish materiali

21 Nov 2019

 Bo'lishish

875

So‘nggi yillarda mamlakatimizda qurilish jarayonida energiya tejamkor, innovatsion yondashuvga asoslangan qurilish materiallaridan keng foydalanilmoqda. Ayniqsa, devorbop qurilish materiallaridan gazobetonga bo‘lgan talab nafaqat dunyoda, balki yurtimizda ham ortib bormoqda.

Shu o‘rinda gazobeton haqida qisqacha ma’lumot. Gazobeton – g‘ovak (teshik-teshik) betonning bir turi bo‘lib, zamonaviy qurilish materiali. Uni ba’zan “sun’iy tosh” deb ham atashadi. Oddiy betondan farqi – tarkibida 1-3 millimetrli pufaklar mavjud bo‘lib, ular tufayli beton yengil, yetarli darajada mustahkam, issiq va sovuqdan yaxshi himoyalash xususiyatlariga ega bo‘ladi. Shuningdek, tabiiy gazni 8 marta kam sarflashi, energiya tejamkorligi va eng asosiysi, unumdor tuproqning ishlatilmasligi bilan pishiq g‘ishtdan bir necha marotaba afzalligi bilan ajralib turadi.1 metr kub metr g‘isht 1800-2000 kg og‘irlikka ega bo‘lsa, shu hajmdagi gazobetonning og‘irligi atigi 500-700 kg ni tashkil etadi.

Bu esa, qurilish jarayonini nafaqat tezlashtiradi, balki bino fundamentiga tushadigan og‘irlikni ham kamaytiradi. Qolaversa, gazobetondan foydalangan holda qurilgan uy-joylar yozda salqin va qishda issiq, havoni mo‘’tadil saqlashi bilan ahamiyatlidir.

Ushbu mahsulotdan Yevropa mamlakatlarida allaqachon keng foydalanib, sinalgan qurilish mahsulotlari sirasiga kirib ulgurgan. Rivojlangan davlatlarda gazobeton 50 yildan ortiq vaqt davomda qurilish materiali sifatida foydalanib kelinmoqda. Gazobeton Rossiyada ham so‘nggi 10 yilda qurilish materiali sifatida keng tarqalgan.

E’tiborlisi, ushbu mahsulotlarni ishlab chiqarish uchun xom ashyoning barchasi respublikamizda mavjud bo‘lib, xom ashyoni xorijdan olib kelish zaruriyati yo‘q.

Xususan, gazobeton tarkibida 70 foizni tashkil etadigan kvars qumi Navoiy, Qashqadaryo, Buxoro va Toshkent viloyatlari va Qoraqalpog‘iston Respublikasida katta zaxiralari mavjud.

Shu o‘rinda qayd etish lozimki, Davlatimiz rahbarining topshiriqlari asosida “O‘zsanoatqurilishmateriallari” uyushmasi tomonidan ushbu mahsulotlarni ishlab chiqarilishini yanada kengaytirish maqsadida bir qator loyihalar amalga oshirilmoqda.

Xususan, 2019-2021 yillarda respublika bo‘yicha gazobeton bloklarini ishlab chiqarishga qaratilgan umumiy quvvati 2,1 mln. metr kub bo‘lgan 14 ta loyihalar amalga oshirilayotgan bo‘lsa, shundan umumiy quvvati 325 ming metr kub bo‘lgan 3 ta loyiha (Toshkent, Jizzax va Buxoro viloyatlarida) joriy yil so‘nggiga qadar foydalanishga topshiriladi.