Dazmol bilan ishlash,kiyimlarni tikishga qo’yiladigan talablar

Dazmol bilan ishlash,kiyimlarni tikishga qo’yiladigan talablar.

Тикувчилик буюмларини намлаб –иситиб ишлов бериш деганда деталь ёки буюмни махсус жихозлар ёрдамида намлик, иссиқлик ва босим билан махсус ишлаш тушунилади. Кийим тикишда намлаб - иситиб ишлаш жами ишнинг 15- 25 %ни ташкил этади.
Намлаб – иситиб ишлаш кийимларни тикиш жараёнида ва тайёр буюмни пардозлашда бажарилиши мумкин.
Тикув буюмларининг сифати ва ташқи кўриниши кўп жиҳатдан тикиш жараёнидаги ва узил-кесил пардозлашдаги намлаб-иситиб ишлашга боғлиқ бўлади.

Прессларнамлаб –иситиб ишлашдаги энг сермеҳнат операцияларни механизациялаштиришга , иш унумини оширишга , ишлов сифатини яяхшилашга ва ишчилар меҳнатини енгиллаштиришга имкон беради. Пресслар бир – биридан юритмасининг типи, пресслаш кучи ва ёстиқчанинг хили билан фарқ қилади. Прессларнинг юритмали механик, электр, пневматик ва гидравлик бўлиши мумкин.
Буғ- ҳаво манекенлари елкали кийимларни узил – кесил намлаб-иситиб ишлаш учун мўлжалланган. Манекен вентилятор, асос ва иссиққа чидамли газламадан маълум ўлчамли гавда шаклида тикилган ғилоф кийдирилган асосдан иборат.

Намлаб-иситиб ишлов беришда қуйидаги шартларга риоя қилиш керак:

1.Деталл олдин намланиб ёки буғланиб, кейин намлик батамом қуригунча дазмолланади.

2.Чокни ёриб дазмоллашдан олдин, уни икки томонидан солқисини кириштириб дазмоллаш керак. Кейин чок, чок ҳақлари деталга зич ёпишадиган бўлгунча ёриб дазмолланади.

3.Кийимларнинг тескари томони дазмолмато қўймасдан, ўнги томони эса дазмолмато қўйиб дазмолланади.

4.Дазмолда намлаб-иситиб ишлов бериш асосан тескари томондан, прессларда эса ўнг томондан бажарилади.

5.Дазмоллангандан кейин ҳам кўкланган иплар изи қоладиган газламалардан тикилган деталлар (бортлар, ёқалар,этак ва ҳ.к.) зийларига намлаб-иситиб ишлов беришни икки бўлиб бажариш тавсия этилади: олдин сал намлаб ёки бутунлай намламасдан, кейин эса (кўклов ипларини олиб ташлаб) деталь керагича намланиб дазмолланади.

6.Намлаб-иситиб ишлов берилганда кийим деталлари ўнгида юзага келадиган ялтироқ жойлар буғлаб йўқотилади.

7.Оч рангли материаллардан тикилган кийимларга намлаб-иситиб ишлов беришда дазмоллаш столлари ва пресс ёстиқлари устига оч рангли газлама қоплаб қўйилади.

8.Узил-кесил намлаб-иситиб ишлов берилгандан кейин кийимга берилган шакл тўлиқ барқарор бўлиб қолгунча уни осилган ҳолда қуритиш керак.

9.Намлаб-иситиб ишлов беришнингасосийпараметрлари температура, босим, ишловберишдавомийлиги (вақт) ва намланганлик даражаси ҳисобланади.