Dars jihozlari

10-MASHG‘ULOT


Tog’ayli baliqlarning ichki va tashqi tuzulishi.
DARS JIHOZLARI:
Tikanli akulaning ho‘l preparati, akulaning tashqi va ichki tuzilishiga oid rasmlar, jadvallar, lupa, binokulyar.
DARSNING MAQSADI:
Akula va skatning tashqi tuzilishi bilan tanishish.
DARS REJASI:
1. Akulaning tashqi tuzilishi. bilan tanishish.
2. Akulaning ichki tuzilishi. bilan tanishish.
3. Akulaning jabra tuzilishi bilan tanishish.
DARSNING BORISHI:
Tikanli akulaning bo`yi 1 m ga boradi. Gavdasi uzunchoq. Boshining uchida qazg`ichi bor. Boshining yon tomonlarida 5 juftdan jabra yoriqlari joylashgan. Ko`zlarining orqasida ikkita halqumga ochiladigan sachratqichlari bo`ladi. Gavdaning ostki tomonida dumning oldida kloaka bor. Dum suzgich qanoti teng pallali bo`lmaydi, ya'ni ustki pallasi pastkisiga nisbatan katta bo`ladi. Bunday dum suzgich qanoti geteroserkal dum deyiladi. Gavdaning oldingi yon tomoniga gorizontal joylashgan juft ko’krak suzgich qanoti, orqa qismining qorin tomonida esa juft qorin suzgich qanoti joylashgan.
Erkaklarining qorin suzgich qanotining bir qismi o`zgarib, kopulyativ organga aylangan. Orqasining keyingi tomonida ikkita toq orqa suzgich qanoti joylashgan. Qorin suzgich qanotining orqa tomonida toq orqa chiqaruv suzgich qanoti bo`ladi. Og`iz teshigi boshning ostki tomonida ko`ndalang joylashadi. Og`zining ustki tomonida bir juft burun teshigi bor.Epidermisi ko`p qavatli bo`lib, bir hujayrali bezlarga boy, chin teri tolali biriktiruvchi to`qimadan tuzilgan. Terisi plakoid tangacha bilan qoplangan. Bu tangacha plastinka shaklida chin terida joylashgan. Tangacha suyakka yaqin dentin degan moddadan tuzilgan, konusi esa maxsus emal modda bilan qoplangan. Plakoid tangachalar jag`ga o`tar ekan, chin tishlarga aylanadi. Bosh bilan tananing ikki yon tomonida yon chiziq sezgi organi bor.