Buxoro viloyati prokuraturasi jamoasi

8-mart bayrami bilan tabriklayman! Sizga baxoriy kayfiyat xamda qalbingizdan quvonch va yorug‘lik xissiyotlari joy olishini tilab qolaman. Yuzingizdan tabassum arimasin, xayotingiz turli xil ajoyib sovg‘alarga boy bo‘lsin. Yilning ayollar bayrami kunida sizga bitmas-tuganmas baxt — saodat va sog‘liq tilab qolaman! Bayramingiz muborak bo‘lsin!

Aziz, munis va muhtarama ayollar, qadrli opa-singillar! Barchangizni 8-mart “Xalqaro xotin-qizlar kuni” bilan chin yurakdan muborakbod etamiz. Sizlarga uzoq umr, sihat-salomatlik va baxt-saodat tilaymiz. Kundalik ishlaringizda, hayotingizning barcha jabhalarida omad Sizlarga hamisha hamrohlik qilsin! Baxtimizga doimo sog‘-omon bo‘linglar!
Buxoro viloyati prokuraturasi jamoasi

Сўнгги йилларда мамлакатимизда ҳудудларни комплекс ижтимоий-иқтисодий ривожлантириш, аҳолининг яшаш шароитларини тубдан яхшилаш, турмуш даражасида сезиларли ижобий ўзгаришларга эришиш бўйича изчил чора-тадбирлар амалга оширилмоқда. Ушбу мақсадда ҳудудларни секторларга бўлиб ишни ташкил этиш тизимининг жорий этилганлиги халқ билан манзилли мулоқотнинг йўлга қўйилишига имкон яратди.
Бу борада Ўзбекистон Республикаси Вазирлар Маҳкамасининг "Ҳудудларни комплекс ижтимоий-иқтисодий ривожлантириш бўйича секторлар фаолияти самарадорлигини баҳолаш тизимини жорий этиш чора-тадбирлари тўғрисида"ги қарори ижросини таъминлаш мақсадида рейтинг баҳолаш тизими жорий этилди.
Мазкур рейтинг тизими секторлар фаолиятини қамраб олувчи 25 та ижтимоий-иқтисодий кўрсаткич йиғиндисидан иборат бўлиб, сектор раҳбарлари фаолиятини комплекс ва объектив баҳолашга хизмат қилади.
Ўтган давр мобайнида секторлар фаолиятини самарадорлиги баҳолаш рейтинг тизими жорий этилиши, бир қатор ижобий натижаларга эришилишига олиб келди. Жумладан, "Темир дафтар"га киритилган 42 минг 700 та оиланинг 49 минг нафардан ортиқ аъзолари ишга жойлаштириб, даромад манбаига эга бўлди. Шунингдек, "Саховат ва кўмак" умумхалқ ҳаракати доирасида 68 минг 400 та оилага 57,6 млрд сўмлик ёрдамлар кўрсатилди.
“Темир дафтар”даги 682 нафар, “Аёллар дафтари”даги 3 минг 434 нафар ҳамда “Ёшлар дафтари”га киритилган 661 нафар юртдошларимизнинг касб-ҳунарга ўқитилиши таъминланган бўлса, “Темир дафтар”даги 12 мингдан ортиқ оила аъзолари расмий ўзини ўзи банд қилди.
Бевосита Президентимиз ташаббуси билан жорий қилинган маҳаллабай ишлаш тизими доирасида ўтган давр мобайнида маҳаллалардаги 4 минг 900 дан ортиқ муаммолар ҳал этилган бўлса, фуқаролар томонидан Ўзбекистон Республикаси Президентининг Виртуал ва Халқ қабулхоналарига келиб тушган 16 минг 891 та ҳамда тадбиркорларнинг Бош вазир қабулхонасига йўллаган 6 минг 356 та мурожаати ижобий ечим топган.
Қайд этиш жоизки, Ўзбекистон Республикаси Вазирлар Маҳкамасининг "Ҳудудларни комплекс ижтимоий-иқтисодий ривожлантириш бўйича секторлар фаолияти самарадорлигини баҳолаш тизимини жорий этиш чора-тадбирлари тўғрисида"ги қарори бўйича ҳудудларни комплекс ижтимоий-иқтисодий ривожлантириш бўйича секторлар фаолиятини самарадорлигини баҳолаш тартиби тўғрисидаги низоми асосида натижаларга кўра “Энг намунали сектор” ҳамда “Энг ташаббускор сектор” номинациялари бўйича ғолиблар аниқланиши белгиланган.
Шунга кўра, бугун, 11 март куни 2021 йил давомида фаолияти давомида белгиланган мезонларга мувофиқ юқори натижаларга эришган секторлар раҳбарлари, шаҳар ва туманлар ҳокимлари, уларнинг ўринбосарларини тақдирлаш маросими бўлиб ўтди. Хусусан, секторлар фаолияти самарадорлигини баҳолаш якунларига бўйича вилоятдаги 52 та сектор раҳбарлари ўртасида Когон шаҳар прокурори, 2-сектор раҳбари Содиқжон Жўраев 1-ўринни, Қоровулбозор тумани давлат солиқ инспекцияси бошлиғи, 4-сектор раҳбари Анвар Ғафуров 2-ўринни, Вобкент тумани ҳокими, 1-сектор раҳбари Фарҳод Умаров ва Ромитан тумани ички ишлар бўлими бошлиғи, 3-сектор раҳбари Шаҳоб Ҳайитов 3-ўринни эгаллаганлиги эътироф этилди.
Бундан ташқари, Ўзбекистон Республикаси Президентининг 2021 йил 24 августдаги “Маҳаллий ижроия ҳокимияти органлари раҳбарлари ўринбосарларининг уларга юкланган вазифаларни бажаришда шахсий масъулиятини кучайтириш бўйича қўшимча чора-тадбирлар тўғрисида”ги қарори бўйича Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларининг ўринбосарлари фаолиятини энг муҳим самарадорлик кўрсаткичлари (KPI) асосида баҳолаш тартиби жорий этилган.
Давлат хизматини ривожлантириш агентлиги вилоят филиали томонидан 2021 йил якунлари бўйича ҳокимлар ва уларнинг ўринбосарлари фаолияти 72 та кўрсаткич орқали энг муҳим самарадорлик кўрсаткичлари асосида баҳоланиб, уларнинг рейтинги шакллантириб борилган.
Рейтинг натижаларига кўра, юқори самарадорликка эришган Шофиркон туман ҳокимининг молияиқтисодиёт ва камбағалликни қисқартириш масалалари бўйича биринчи ўринбосари - иқтисодий тарраққиёт ва камбағалликни қисқартириш бўлими бошлиғи Нодир Раҳмонов, Қоровулбозор тумани ҳокимининг капитал қурилиш,коммуникациялар ва коммунал хўжалик масалалари бўйича ўринбосари Алишер Холиқов, Когон тумани ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Зубайдулла Шарипов, Олот тумани ҳокимининг ўринбосари – туман инвестициялар ва ташқи савдо бўлими бошлиғи Шерзод Бешимов, Когон тумани ҳокимининг қишлоқ ва сув хўжалиги масалалари бўйича ўринбосари Қаюм Саломовлар муносиб тақдирланишди.

Ўзбекистон Республикаси Вазирлар Маҳкамасининг "Ҳудудларни комплекс ижтимоий-иқтисодий ривожлантириш бўйича секторлар фаолияти самарадорлигини баҳолаш тизимини жорий этиш чора-тадбирлари тўғрисида"ги қарори бўйича ҳудудларни комплекс ижтимоий-иқтисодий ривожлантириш бўйича секторлар фаолияти самарадорлигини баҳолаш тартиби тўғрисидаги низоми асосида “Энг намунали сектор” ҳамда “Энг ташаббускор сектор” номинациялари бўйича ғолиблар аниқланиши белгиланган. Шунга кўра, бугун - 11 март куни 2021 йил давомида фаолияти давомида белгиланган мезонларга мувофиқ юқори натижаларга эришган секторлар раҳбарлари, шаҳар ва туманлар ҳокимлари, уларнинг ўринбосарларини тақдирлаш маросими бўлиб ўтди. Хусусан, секторлар фаолияти самарадорлигини баҳолаш якунларига бўйича вилоятдаги 52 та сектор раҳбарлари ўртасида Когон шаҳар прокурори, 2-сектор раҳбари Содиқжон Жўраев 1-ўринни эгаллади.
Бухоро вилояти прокуратураси жамоаси номидан совриндони табриклаб, келгуси ишларида зафарлар тилаб қоламиз.