Бухгалтерия баланси, унинг таркибий тузилиши. Режа; Бухгалтерия баланси, унинг таркибий тузилиши

БУХГАЛТЕРИЯ БАЛАНСИ, УНИНГ ТАРКИБИЙ ТУЗИЛИШИ.
Режа;
1.Бухгалтерия баланси, унинг таркибий тузилиши.
2. Хўжалик жараёнлари натижасида балансдаги ўзгаришлар.

1.Бухгалтерия баланси, унинг таркибий тузилиши.
Корхоналарнинг маълум бир даврга молиявий ҳолати қай даражада эканлигини, улар маблағлари жойлашиши, ишлатилиши қандай олиб борилаётганлигини ва умуман корхона хўжалик фаолиятига баҳо бериш, назорат этиш, текшириб бориш зарур. Бу зарурият корхонанинг бошқарув ходимларига, ҳамда ички ходимларига, юқори ташкилотларига, банк, солиқ инспекциясига, кредиторларга, инвесторларга керакдир. Уларнинг бу масала юзасидан талабини корхонанинг баланси кондиради. Баланс ҳисоботдаги 5 шаклнинг биринчиси бўлиб, ойлик, чораклик, ярим йиллик ва йил охирида бўлиши мумкин.
Дастлабки баланс, ҳисобот баланси, тугатиш баланси каби турлари эса унинг корхона фаолиятини қай ҳолатда тузилаётганлигини билдиради. Дастлабки баланс корхонанинг ташкил топаётган вақтда тузилади. ҳисобот баланси эса, корхона фаолияти давомида тузилади. Ва нихоят тугатиш баланси корхона, ташкилот, муассасани тугатилаётган муддатдаги хўжалик маблағлари ва уларни манбалари қай ҳолатда эканлиги ҳисобот маълумот беради. Балансдаги маълумот қўйидагича йиғилган бўлади. ҳар бир жараён рўй бериши натижасида хўжалик маблағлари ва уларнинг манбалари миқдорий ва таркибий жихатдан ўзгариб боради.
Бу ҳолат дастлабки ҳужжатларда акс эттирилиб, сўнгра бухгалтерияда синтетик ҳисоб юритилади ва счетларда икки ёқламаёзув орқали акс эттирилади. Ой охирида эса хар бир счетлар бўйича қолдиқ суммалар аниқланади. Баъзи счетлар эса бёкитилади. Бу хакда келгуси мавзуларда кенгрок тухталамиз. Счетлардаги охирги қолдиқлардаги маълумотлар бош китобга кучирилади ва балансга ўрнатилган тартибда акс эттириб чикади.
Баланснинг 2 қисми бўлиб, улар Актив ва Пассивдан иборат. Уларнинг хар иккаласи ҳам ўз моддаларига эга. Актив қисмида 2 бўлим мавжуд:
I. Узоқ муддатли активлар:
асосий воситалар (01), номоддий активлар (04), капитал қўйилмалар (08), молиявий қўйилмалар (06), ўрнатиладиган асбоб-ускуналар (07).