Brendga moyillik

BRENDGA MOYILLIK
Reja:

1. 
   Firma uslubi
   
2. 
   Brendingning asosiy marketing maqsadlari
   

3.Firma uslubining asosiy unsurlari

Firma uslubi (stil) bozor faoliyatida qadim zamonlardan beri qo’llanib kelinadi. Avvaliga bu elementlar juda oddiy bo’lgan. Masalan, tovarlari sifatli bo’lgan eng topqir hunarmandlar (kulollar, temirchilar, qurolsozlar) o’z mahsulotlariga tamg’a bosganlar. Ushbu hunarmandlarning kasbiy mahoratidan xabar topgan xaridorlar aynan shunday ajralib turuvchi belgisi bor tovarlarni olishga harakat qilganlar

O’rta asrlarda stexlarning korporativ sotish markalari paydo bo’lgan. Bozorlar jo’g’rofiyasi kengayib borishi bilan tovar belgisi va boshqa firma belgilarining ahamiyati ortib bordi.

O’sib borayotgan raqobat va yagona axborot kengligi shakllanishi sharoitlarida tovar ishlab chiqaruvchilar o’z tijorat kommunikatsiyalarining maqsadli auditoriyalari sifatida bevosita potensial xaridorlarni ajrata ola boshladilar. Bunda yirik tovar ishlab chiqaruvchining birinchi navbatdagi vazifasi bevosita raqobatchilar orasidan o’zining ajralib turishiga erishish bo’la boshladi. Aynan shu shart-sharoitlar dastlabki umummilliy va xalqaro brendlarning shakllanishiga olib keldi.

«Firma uslubi», «brend» va «brending» tushunchalari bir-biri bilan mustahkam bog’langan. Ham xronologiyasi, ham qo’llaniladigan kommunikatsiyasi rivojlanib borishi nuqtai nazaridan firma uslubi (FU) dastlabki kategoriya hisoblanadi

Firma uslubi, brend va brending tushunchalarini batafsilroq ko’rib chiqamiz.

Firma uslubi (ingl. corporate identity) brendni shakllantirish vositalaridan biri va ayni paytda brending elementi hisoblanadi.

Natlya Dobrobabenko bergan muvaffaqiyatli ta’rifga ko’ra «firma uslubi bu – tovarlar (xizmatlar), firmadan chiqishadigan barcha axborotlar, uning ichki va tashqi bezalishi vizual va mazmuniy birligini ta’minlovchi rang, grafika, so’z, matbaa, dizayn doimiy elementlari(konstant)ning to’plamidir.

FUning mavjudligi uning egasining iste’molchida ijobiy taassurot uyg’otishiga ishonchi borligidan dalolat beradi. FUdan foydalanishning vazifalaridan biri xaridorga ushbu firmaning oldin sotib olingan tovarlari bergan ijobiy hislar haqida eslatib turishdir. Shunday qilib, FUning mavjudligi tovarlar va xizmatlarning yuqori sifatini bilvosita ta’minlaydi.

Shu bilan birga, FUdan foydalanish ar doim ham firma mahsulotining sotilishiga ko’maklashavermaydi. Masalan, Peterburgdagi Skoraxod poyafzal firmasi o’tgan asr boshida sifatli mahsuloti tufayli 20 yillardan to 80 yillargacha yuqori mavqega ega edi. Endilikda Skoroxod egallagan mavqeini yo’qotib bormoqda. Frima belgisi past sifat va modadan chiqqanlik ramziga aylanib bormoqda. Firmaning belgilari xaridorlarni jalb qilish o’rniga ularni cho’chitmoqda.

Shu munosabat bilan Zaporojest avtobrendi haqida eslatib o’tish mumkin. U xuddi 600- Mersedes kabi ramzga aylangan. Biroq u qulay, texnik jihatdan mukammal, hashamli avtmobilning butunlay aksi sifatida elanadi («yangi ruslar» haqidagi latifalarda bu ikkala rusumdagi mashinalar tez-tez-to’qnashib turishi bejiz emas).

Marketing majmuining boshqa elementlari barqaror ravishda yuqori darajada bo’lganda firma uslubi uning egasiga quyidagi ustunliklarni beradi:

*axborot oqimi orasidan iste’molchiga ma’qul bo’lgan firma tovarini tez va bexato topishga yordam beradi;

* firmaga kam xarajat qilgan holda o’zining yangi tovarlarini bozorga olib chiqishga imkon beradi;

• reklamaning samaradorligini oshiradi;

  
  

• faqat reklama emas, balki firma marketing kommunikatsiyalari boshqa vositalarining (masalan, pablik rileyshinz, matbuot konferenstiyalari o’tkazish, nufuzli prospektlar chiqarish va h.k.) zarur birligiga erishishga ko’maklashadi );

  
  

*korporativ ruhning o’sishiga ko’maklashadi, xodimlarni birlashtiradi, umumiy ishga aloqadorlik, «firma vatanparvarligi» hissini uyg’otadi;

* firmaning estetik darajasi va vizual muhitiga ijobiy ta’sir qiladi.

Agar firma uslubidan foydalanish beradigan ustunliklarning barchasini umumlashtiradigan bo’lsak, firma uslubini firma nufuzin, uning belgisini(markasini) shakllantiruvchi asosiy vositalardan biri deyish mumkin. Reklama nazariyasi va amaliyotining klassiklaridan biri firma kommunikatsiyalarining yuqori darajasi haqida gapirar ekan, «har bir e’lon marka obrazi bo’lgan ramzga qo’shilgan hissa, brend nufuziga qo’shilgan uzoq muddatli ulush sifatida qaralishi kerak»ligin ta’kidlagan.