|
“BAXTIMIZ – QOMUSIMIZ!”
Assalom ey lola yuzli, dilra bolar assalom,
Yuzi gul, sochi sumbul, maxliqolar assalom.
Mustaqil yurt gul g’unchasin, oq yuvib, oppoq tarab,
Tunu kun parvona bo’lgan, mehrigiyolar assalom.
Xush kelibsiz dil mayli, bizning g’ozal bog’chaga,
Ozod o’zbek diyorda kezar tantana sayli.
Shu bayramda do’stlarim dildan-dilga payvasta,
Bu baxtiyor bolalar kelajakdan guldasta.
Tarbiyachi: Assalomu alaykum aziz ustozlar, jajji bolajonlar mana bugun biz konstitutsiya kuni munosabati bilan o’tkazilayotgan tadbirda qatnashish uchun yig’ilib turibmiz. Tadbir davomida siz o’quvchilarimizning qomusimiz borasida nechog’li bilimga ega ekanligini guvohi bo’lasiz. Chunki tadbirimiz mavzusi “Konstitutsiyamiz – baxtimiz poydevori” deya nomladik.
Qomusimizni o’rganishdan asosiy maqsad, yosh avlodning huquqiy ongi, tafakkuri va madaniyatini to’la tushunib yetishlariga erishishdir. Marhamat tadbirimizni tomosha qiling.
Bolajonlar ijrosida “O’zbekiston”, “Vatanim” mavzularidagi she’rlarga/
Ruhshona:
Sajdagohimsan, Vatan,
Tanda jonimsan, Vatan.
Yayrab o’sdim quchog’ingda,
Gulistonimsan, Vatan.
Aziz:
Quvonchlarim daryoday,
Toshmoqdadir shu maskan.
Ozod xalqim, erkim bor,
Istiqbolimsan, Vatan!
Bekzod:
Buyuk faxrimsan, Vatan,
Fido qilay jonu tan.
O’zing buyuk, so’zing suyuk,
Iftixorimsan, Vatan!
Sabina:
Farzandlaring quchog’ingda,
Doim shodon yayragan.
Sayrayotgan bulbulning,
Quchog’ida sen, Vatan!
Gulshoda:
Buvim aytgan ertaklar,
Dostonlar ham bu haqda.
Yoshu qari der: “Vatan”,
Nima sabab ardoqda!
Nigina:
Azizdirsan bolasiday,
Qarog’ida asraydi.
Zaru kumush, hattoki,
Jondan kechib saqlaydi.
Alisher:
Negaligin anglayman,
Sen onamday aazizsan.
Buyukliging faxrimdir,
Jondan sevganim, Vatan!
O’- O’zbekiston mustaqil diyor.
Z – Zafar qo’shding muborak bo’lsin.
B – Bag’ring butun boyliklarga kon.
E – erkinliging umrbod bo’lsin.
K – kamolating yoshlar tayanchi.
I - ijod qaynar doim bag’ringda.
S - salovatli yuksak shaharlar.
T – tabiati go’zal qo’ynida.
O – ona yurtim doim yashnasin.
N – noming doim zo’r jaranglasin.
Qizlar ijrosida raqs.
Endi bolajonlar qomusimiz haqida so’zlaydilar.
O’zbekiston konstitutsiyasi 1992-yil 8-dekabrda qabul qilingan.
Konstitutsiya 128 modda, 26 bob, 6 bo’limdan iborat.
Vatanimning nomini,
Aytar birinchi modda.
O’qib o’rgansang uni,
Muhabbat ortar qalbda.
Davlatning O’zbekiston Respublikasi va “O’zbekiston” degan nomlari bir xil ma’noni anglatadi.
Paxta ekib dong taratgan,
Mehnat bilan baxt yaratgan.
Bag’ringa gul yarashgan,
O’zbekiston, O’zbekiston!
Uzumlari shakar payvand.
Undan butun el bahramand,
Bog’laring soz, to’kindir yoz,
O’zbekiston, O’zbekiston!
- Ko’hna shahar Shahrisabz,
Temur qurgan oq saroying.
Ketdi dong’i bor jahonga,
Bu hur diyor yashnamoqda,
O’zbekiston, O’zbekiston!
Anor, anjir g’arq piishganda.
Rossiyada yeyishadi,
Qilib rohat derlar: Rahmat,
O’zbekiston, O’zbekiston!
Rosa pishsa yoz oylari.
Shunda fermer saroylari,
To’lar donga tog’ xirmonsan
O’zbekiston, O’zbekiston!
Qizlar ijrosida raqs.
4-modda: O’zbekiston Respublikasi davlat tili o’zbek tilidir.
Ulug’tilim tasdiqlar.
Ajdodlarim orzusi,
Ko’zlarimda charaqlar.
5- modda: O’zbekiston Respublikasi davlat ramzlari – bayro’g’i, gerbi va madhiyasiga ega.
-Vatanimning bayrog’i,
Dilginamning qarog’i.
Madhiya hamda gerbim,
Porlar yo’lim chirog’i.
6-modda: O’zbekiston Respublikasi poytaxti – Toshkent shahri.
Juda keng saxiy bag’ri.
Udir Vatan yuragi ,
Ulug’ xalqim tilagi.
O’g’il bolalar ijrosida raqs.
40-modda: Har bir inson malakali tibbiy xizmatdan foydalanish huquqiga ega.
Betob bo’lib, botib g’amga,
Yotib qolsak nogahon.
Shifokorlar tez yordamga,
Yetib kelar shu zamon.
41-modda: Har kim bilim olish huquqiga ega.bepul ta’lim olsh davlat tomonidan kafolatlanadi. Maktab ishlari davlat nazoratidadir.
- Bepul bilim olamiz,
Hur Vatanim qo’ynida.
Vatanga xizmat qilish,
Har o’g’il, qiz ongida.
Qizlar ijrosida o’yin.
47-modda: Barcha fuqarolar qomusimizda belgilab qo’yilgan burchlarni bajaradilar.
48-modda: Fuqarolar qomusimiz va qonunlarga rioya etishga, boshqa kishilarning huquqlari, erkinliklari, sha’ni, qadr-qimmatini hurmat qilishga majburdirlar.
Burchlarimizdagi so’zlar,
Bilsang sakkiz, o’n birinchi bob.
Burchimni anglashimda,
Qomusim misli oftob.
Mana aziz mehmonlar shuning bilan bugungi qomusimizga bag’ishlab o’tkazgan, bayram tadbirimizni yakunlaymiz. Sizga sihat-salomatlik, ishlaringizda omad va muvaffaqiyatlar tilaymiz.
O’n sakkiz ming olamla ichra,
Mujassamdir hayot yagona.
Yer kurrasi – zamin yashnasa,
Yaratganga deymiz shukrona
Navoiy shahar maktabgacha ta’lim bo’limi tasarrufidagi 23-son “Barchinoy” maktabgacha ta’lim tashkiloti
“Quvnoq dumboqchalar” guruhida o’tkazilgan
BAYRAM TADBIRI ISHLANMASI
Navoiy-2019
Do'stlaringiz bilan baham: |
