7-tema: Tálim processinde metodlardıń pedagogikalıq mánisi

7-tema: Tálim processinde metodlardıń pedagogikalıq mánisi. Tálim processinde túrli metodlardan paydalanıw.
Joba:
1. «Metod», «Tálim metodları» hám «Tálim usılları» sózleritniń mánisi.
2. Zamanagóy didaktikada tálim metodların túsindiriwge baylanıslı jantasıwlar.
3. Tálim metodlarınıń funkciyaları.
4. Tálim metodların tańlap alıw shártleri.


Metod sózi grekshe izertlew, maqsetke erisiw jolı, usılı degendi bildiredi. Bul sózdiń etimologiyası (kelip shıģıwı) onıń ilimiy kategoriya sıpatındaģı talqılanıwında da sáwlelengen. Metod-ulıwmalıq mánide-maqsetke erisiw usılı, belgili tárizde tártipke salınģan xızmet.
Tálim metodları-degende, úyrenilip atırģan materialdı iyelewge qaratılģan túrli didaktikalıq wazıypalardı sheshiw boyınsha oqıtıwshınıń úyretiwshi jumısı hám talabalardıń oqıw-biliw xızmetin shólkemlestiriw usılları túsiniledi.
Tálim usılı-tálim metodınıń quramlı bólegi yamasa ayrıqsha tárepi, metodlar menen usıllardıń múnásibeti óz-ara bir-birine baylanısqan. usıl hám metod pútin hám bólim sıpatında bir-birine baylanısadı. Usıllar járdeminde tek pedagogikalıq yamasa oqıw wazıypasınıń bir bólimi sheshiledi. Sonday-aq, metodikalıq usıllar hár túrli metodlarda paydalanılģan bolıwı múmkin. Yamasa kerisinshe usı metod túrli oqıtıwshılar tárepinen túrli usıllarda ashıp beriliwi múmkin.
Qaģıyda-tańlap alınģan metod penen baylanısta xızmet usılların ámelge asırıw ushın qolay tárizde háreket etiw zárúrligin belgilep beriwshi normativ kórsetpeler bolıp tabıladı.
Tálim metodları túsinigi:
1. Dástúriy (dereklerge qaray) tálim metodları (E.I.Goland, N.M.Verzilin h.t.b).
2. Talabalardıń biliw iskerligi túsinigi boyınsha tálim metodınıń túsinigi (L.Ya.Lerner hám M.N.Skatkin).
3. Tiykarģı didaktikalıq maqsetlerge qaratılģan tálim metodlarınıń túsinigi (M.A.Danilov hám V.P.Esipov).
4. Tálimniń binar metodları (M.I.Maxmutov).
5. Anıq jantasıw boyınsha tálim metodları túsinigi (Yu.K.Babanskiy).
6. Tálimniń interaktiv metodları.