Документ Microsoft Word

"Stone city"
Grant Vud
1930 y.
Asar 1929 yilda Grant Vud Yevropadan o'zining ona yurti - Aiova shtatiga qaytgandan so'ng yaratilgan ekan. Sayohatdan so'ng, u o'z xotiralarida shunday deydi:
“Men bundan keyin faqat Aiovani chizaman. Bu umrim oxirigacha mening vazifam bo'lib qoladi".
Men bu asar haqidagi izlanishlarim o'laroq shuni aytolamanki suratda Amerikaning eski va zamonaviy uslubda qurilgan uylarga boy fonini ko'rish mumkin. Qisqacha aytganda, zamonaviylikning nostalgiya bilan qorishmasi. Vud asarda tug'ilib o'sgan fermasining yon atrofini tasvirlagan ekan. Asarda biz, tom ma'noda, rassom bolaligi o'tgan quyoshli va quvonchli o'lkadagi bolalik xotiralarini va rassomning his-tuyg'ularini anglagandek bo'lamiz. Asar issiq va yorqin ranglarga boyligidan rassom bu asarni yaratayotganda yorqin xotiralarga berilganligini, sayohatdan keyingi vatan sog'inchini sezish qiyin emas.
Shuni ham aytish kerakki, peyzaj bir vaqtning o'zida o'yinchoq tasvirlarga o'xshaydi, ammo ayni paytda u hayratlanarli darajada real hamdir. Rasmda ko'rish mumkin bo'lgan ba'zi binolar bugungi kunda Stone cityda mavjudligi aytiladi. Masalan, Avliyo Jozef cherkovi, do'kon va temirchi ustaxonasi shular jumlasidan.
Sa'dullayeva Gulzor dariy-ingliz