4-mavzu. Ta’lim muassasasi menejmentida tashkil etish vazifasi. Ta’lim muassasasi ichki nazorati mavzu rejasi

---

56
4-MAVZU. TA’LIM MUASSASASI MENEJMENTIDA TASHKIL ETISH 
VAZIFASI. TA’LIM MUASSASASI ICHKI NAZORATI 
Mavzu rejasi: 
1.
O‘quv-pedagogik hujjatlar 
2.
Maktabning ish yuritish qog‘ozlari 
3.
Ta’lim muassasalari ishlarini rejalashtirish 
1.O‘quv-pedagogik hujjatlar 
Uzluksiz ta’limning faoliyat olib borishi davlat standartlari asosida turli 
darajalardagi ta’lim dasturlarining izchilligi asosida ta’minlanadi. Umumiy o‘rta, 
o‘rta maxsus, kasb-hunar ta’limi muassasalariga rahbarlikning amalga oshirilishi 
ko‘p jihatdan ushbu ta’lim muassasalaridagi hujjatlarni to‘g‘ri yuritishga, dastlabki 
axborotlarni o‘z vaqtida hisobga olish, ma’lumotlarning tushunarli bo‘lishi hamda 
takomillashish prinsiplariga rioya qilinishiga bog‘liq.
 
Maktabning o‘ziga yuklangan vazifalarni bajarishi, uning faoliyati 
natijalari o‘quv-tarbiya ishlarini rejalashtirish hamda xo‘jalik tadbirlarini amalga 
oshirish bilan, o‘quv pedagogik ishlar hisobini yuritishga maktab ishlarini 
boshqarishni tashkil etishga, dastlabki buxgalteriya hisobini ta’minlashga doir 
statistik ishlar bilan bog‘liq bo‘lgan maxsus hujjatlarda aks ettiriladi. 
Umumiy o‘rta, o‘rta maxsus, kasb-hunar ta’limi muassasalarining asosiy 
ko‘pchiligiga markazlashtirilgan buxgalteriyalar xizmat ko‘rsatadi. Bu 
buxgalteriyalar Vazirlar Mahkamasining ko‘rsatmalari va uslubiy yo‘l-yo‘riqlari 
hamda maxsus idoralarning ko‘rsatmalarida belgilangan shakllar va qaydlar 
bo‘yicha xarajatlar tarkibini hisobga olib boradilar. 
Turli hujjatlar uchun har xil saqlash muddatlari belgilangan. Saqlash 
muddatini ko‘rsatish qulay bo‘lishi uchun qisqartmalar joriy etilgan. DS-doimiy 
saqlashga, VS-3 vaqtincha saqlashga. Saqlash muddati 3 yil va h. 
Maktab hujjatlari o‘z vaqtida, aniq, tushunarli qilib rasmiylashtirilishi, ularda 
keltirilgan ma’lumotlarning to‘g‘riligiga ishonchsizlik tug‘diradigan dog‘ va 

---

57
bo‘yoqlar bo‘lmasligi kerak. Hujjatlardagi yozuvlar siyoh yoki yozuv mashinasida 
yoziladi. Hujjatdagi tekstda yoki raqam ma’lumotlarida yo‘l qo‘yilgan xatolar 
quyidagicha tuzatiladi: xato yozilgan so‘z yoki raqam o‘qish mumkin bo‘ladigan 
tarzda chizilib o‘chiriladi, ustiga esa to‘g‘ri ma’lumotlar yoziladi. Barcha kiritilgan 
tuzatishlar kelishilgan va hujjatni rasmiylashtirgan shaxslar tomonidan imzo bilan 
tasdiqlangan bo‘lishi lozim. 
Hujjatdagi ma’lumotlarning to‘g‘riligi va ularning yaxshi rasmiylashtirganligi 
uchun 
hujjatga 
imzo 
chekkan 
mansabdorlar 
javob 
beradilar. 
1. Maktabning o‘quv-pedagogik hujjatlariga: o‘quvchilarni ro‘yxatga olish 
alfavit daftari, o‘quvchilarning shaxsiy hujjatlari, sinf jurnallari, fakultativ 
mashg‘ulotlar jurnallari va boshqa jurnallar, o‘rta ma’lumot to‘g‘risidagi 
blankalarni va beriladigan attestatlarni hisobga olish daftari, «A’lo darajadagi 
muvaffaqiyatlari va namunali xulqi uchun» beriladigan maqtov qog‘ozlarnni 
hisobga olish daftari, pedagoglar kengashining bayonnomalari daftari, maktab 
bo‘yicha buyruqlar daftari, maktabning pedagog xodimlari shaxsiy tarkibini 
hisobga olish daftari, qoldirilgan va boshqa o‘qituvchi o‘tgan darslarni hisobga 
olish jurnallari kiradi. 
2.O‘quvchilarni hisobga olish daftari (DS)ga maktabning barcha 
o‘kuvchilari yoziladi. Bu daftarga har yilgi yangi qabul qilingan o‘quvchilar 
to‘g‘risidagi ma’lumotlar kiritib boriladi. O‘quvchilar qaysi sinfda o‘qishlaridan 
qat’i nazar ro‘yxatga alfavit tartibida yozib boriladi. Alfavitning har bir harfi uchun 
alohida varaqlar ajratiladi va har qaysi harf yuzasidan o‘z tartib nomeri olib 
boriladi. O‘quvchining maktabdan ketishi direktor buyrug‘i bilan ketish sababi 
ko‘rsatilgan holda rasmiylashtiriladi. Agar oldin maktabdan ketgan va ketishi 
buyruq bilan rasmiylashtirilgan o‘quvchi maktabga yana qaytib kelsa, u 
to‘g‘risidagi ma’lumotlar maktabga yangi kelgan o‘quvchi kabi yoziladi. 
«Maktabga kirgan vaqti» grafasida esa o‘quvchining maktabga qaytib kelgan vaqti 
ko‘rsatilib, «qaytib keldi» deb yoziladi. O‘quvchilarning shaxsiy delosi (VS-3) har 
bir maktabda har qaysi o‘quvchi uchun uning maktabga kelgan vaqtidan boshlab 
maktabni bitirib chiqqaniga qadar olib boriladi. 

---

58
3. Sinf jurnali (VS-5) davlat hujjati bo‘lib, uni yuritish har bir o‘qituvchi va sinf 
rahbari uchun majburiydir. 
Sinf jurnallarining ikki turi: I-IV va V-XI sinflar uchun sinf jurnallari belgilangan. 
Maktab direktori va uning ta’lim-tarbiya ishlari bo‘yicha o‘rinbosarlari sinf 
jurnallarining saqlanishini ta’minlaydilar va bu jurnallar o‘qituvchilar tomonidan 
to‘g‘ri yuritilishini muntazam ravishda nazorat qilib boradilar