4-Мавзу: корхонанинг ишлаб чиқариш қуввати ва уни режалаштириш

4-Мавзу: КОРХОНАНИНГ ИШЛАБ ЧИҚАРИШ ҚУВВАТИ ВА УНИ РЕЖАЛАШТИРИШ.
Режа:
1.Бизнес режанинг корхонани таърифлаш бўлимининг мохияти
2.Корхона тўғрисидаги асосий маълумотлар
Аниқлаштирилган ўқув мақсадлари (талабанинг вазифалари). Талаба ушбу мавзуни тўла ўзлаштиргандан сўнг:
1.Корхона фаолиятига тавсиф беришни билади;
2.Мулк шакллари қандай бўлишини тасаввур қила олади;
3.Бозорларда маҳсулотни реализация қилиш бўйича тушунчага эга бўлади;
4.Корхона ҳақида қандай маълумотлар берилишини билади.
Муаммо: Бизнес режанинг корхонани таърифлаш бўлими бўйича нималарни биласиз? (мавзуни диққат билан ўқинг ва жавобни топинг)
1. Бизнес режанинг корхонани таърифлаш бўлимининг мақсади ва асосий қоидалари
Бизнес режанинг ушбу бўлимида корхона фаолиятига ҳар томонлама тавсифнома берилади. Тавсифномада ўтган даврда эришилган ютуқлар, бугунги кундаги корхонани ҳолати ва келгусида унинг ривожлантириш учун зарур ҳолатлар кенг ёритилади. Бу бўлимни асосий элементлари қўйидагилардан иборат бўлади:
-корхонани ўтган даврдаги фаолияти, мулк шакли, бугунги кундаги ва келгусидаги мақсади;
-фаолият тури (чакана савдо, ишлаб чиқариш, хизмат кўрсатиш);
-маҳсулот (хизматлар) турига тушунча, (бундан унинг кўзлаган мақсади, алоҳидалик томонлари, авторлик ҳуқуқи, патент савдо маркаси, ва х.к)
-маълум бир бозорда маҳсулотни реализация қилишнинг умумий томон ва имкониятлари;
-корхонани тармоқда тутган ўрни ва тармоқ ичида ривожланиш тенденцияси
(истиқболлари);
-корхонанинг асосий мақсадлари;
-бизнеснинг ташкилий шакли ва кутилаётган ўзгаришлар;
-ташкилотчилар, асосий инвесторлар ва раҳбарлар;
-қандай ташкилий тузилишга эга эканлиги;
-ўтган даврдаги ютуқлари ва ҳозирги кундаги кучли томонлари
-корхона муваффақиятининг критик омиллари ва таваккалчилик тенденцияси имкониятлари;
-техник қайта қуроллантириш ва техник тараққиёт бўйича тадбирлар;
-фойдаланилаётган технологиянинг ҳолати;
-молиявий ҳисобни олиб бориш усули;
-бухгалтерия ҳисобида фойдаланилаётган тизимлар;
-корхонада мулкни суғурта қилиш тизими;
-қўшимча суғурта турларига зарурият;
-суғурта органлари ва суғурта миқдори;
-хавфсизлик тизими ва унинг товар материал бойликларни мухофаза қилишдаги функцияси;
-корхона территориал ишлаб чиқариш комплексига тавсифнома; -корхонани жойлашган ўрни: афзаллиги, камчиллиги.
Юқоридагилардан кўриниб турибдики, бу бўлимдаги маълумотларнинг кўпчиллиги ўтган давр ва ҳақиқий ҳолатга асослангандир. Кам ҳолларда келгуси даврда ривожланиш ҳақида маълумотлар берилади. Барча талаб этилган маълумотларнинг ёритилиши бизнес режа сифатини ортишини таъминлайди.