12-ma’ruza arduino mikroprotsessor majmuasi to‘G‘risida umumiy tushunchalar reja

12-MA’RUZA
ARDUINO MIKROPROTSESSOR MAJMUASI TO‘G‘RISIDA UMUMIY TUSHUNCHALAR


REJA
12.1. Arduino platformasi bilan tanishish
12.2. Apparat qismi
12.3. Arduino platalari
12.4. Dastlabki dasturni ishga tushirish


Tayanch so’z va iboralar:
Arduino platformalari, arduino asosiy platalari, arduino IDE, dasturlash tili, Arduino UNO platasi, Atmel mikrokontrollerlari, USB-interfeys, kuchlanish stabilizatori, ta’minot chiqishlari, kiritish-chiqarish kontaktlari, indikatorli yorug‘lik diodlari, qayta yuklash (boshlang’ich holatga keltirish) tugmachasi, oldinma-ketin (izchil) dasturlash interfeysi (ICSP), UART interfeysi, SPI interfeysi, Arduino Leonardo platasi, 12.5-rasm. Arduino Mega 2560 platasi, Arduino Due platasi, Arduino Nano platasi, Arduino Mega ADK platasi, Arduino LilyPad platasi, Kvadrokopter va ArduPilot Mega kontrolleri


12.1. ARDUINO PLATFORMASI BILAN TANISHISH
Arduino platformasini o‘rganish uchun bizga uch bosh komponent kerak bo‘ladi:

• 
  Arduino asosiy platasi;
  
• 
  kengaytirish platalari;
  
• 
  Arduino - Arduino IDE ishlanmalarining integratsiyalangan muhiti.
  

Bu ma’ruzada asosan Arduino firma platalari ko‘rib chiqilgan. Bunda keng assortimentda ishlab chiqarilayotgan, Arduinoning ham apparat, ham dasturiy qismi bilan Arduino – plata klonlari ham mos keladilar. Bu zarur bo‘lgan joyda turli-tuman qurilmalar uchun platalarning yaroqliligi xususida xilma-xil tavsiyalar topasiz. Ko‘pgina loyihalar Arduino Uno platasi asosida qurilgan. Avvaliga biz barcha Arduino platasi ko‘rinishlarining umumiy funksional imkoniyatlarini ko‘rib chiqamiz, so‘ng har bir plataga xos xususiyatlarni ko‘rsatamiz. Natijada har bir aniq, muayyan loyiha uchun to‘g‘ri keladigan Arduino platasini tanlab olishimiz mumkin bo‘ladi.


12.2. APPARAT QISMI
Barcha Arduino platalari dasturlash va boshqa sxemalar bilan birgalikda ishlash uchun zarur bo‘lgan asosiy komponentlarga ega (12.1-rasm):

• 
  Atmel mikrokontrolleri;
  
• 
  dasturlash va ma’lumotlar uzatish uchun USB-interfeys;
  
• 
  kuchlanish stabilizatori va ta’minot chiqishlari;
  
• 
  kiritish-chiqarish kirish kontaktlari; indikatorli yorug‘lik diodlari (Debug, Power, Rx,Tx);
  
• 
  tugatish (o‘chirish) tugmachasi;
  
• 
  ichga o‘rnatilgan oldinma-ketin (izchil) dasturlash interfeysi (ICSP).
  

12.1-rasm. Arduino UNO platasining komponentlari