1-Республика психологлар конференцияси учун тақдим этилган ишланма

1-Республика психологлар конференцияси учун тақдим этилган
ИШЛАНМА
МАВЗУ: Девиант хулқли ўсмирларни коррекция қилишга қаратилган (тренинг ишланмаси)


МУАЛЛИФ: Сайидахмедова Лола Абдурасуловна, Навоий вилояти Кармана тумани халқ таълими бўлимига қарашли 10-умумий ўрта таълим мактаби амалиётчи психологи, тел: [phone]
Девиант хулқли ўсмирларни коррекция қилишга қаратилган
(тренинг ишланмаси)
Мақсад: Девиант хулқнинг психологик келиб чиқиши ҳамда уни қўзғатувчи омилларни ўрганган ҳолда ижтимоий мослашиш малакаларини шакиллантириш ҳамда ҳаётдаги қарама-қаршиликларни тўғри тушуна олиш ва таҳлил қилишга ўргатиш, шахснинг ички ҳолати (руҳияти)ни ўзгартиришга эришиш, муаммоли вазиятларда тўғри қарор қабул қила олиш кўникмасини ҳосил қилишдан иборат.
Вазифалар:

1. 
   Иштирокчиларни аҳиллаштириш, вужудга келадиган стресс ҳолатидан чиқиб кетишга ўргатиш.
   
2. 
   Иштирокчилар томонидан ўз харакатларининг сабаби ва уни бартараф этишга ўргатиш.
   
3. 
   Турли вазиятларда тўғри қарор қабул қилишга ўргатиш.
   
4. 
   Иштирокчилар ўртасида ўзаро самимий, дўстона муносабатларни ўрнатиш.
   
5. 
   Гуруҳ аъзоларининг муаммоларини гапиртиришга шароит яратиш.
   

Тренинг машғулоти учун керакли жиҳозлар: проектор, флипчарт қоғоз, копток, қопча, маркерлар, ватманлар, слайдлар.
Иштирокчилар: 8-синф ўқувчилари
Сони: 15 нафар
Тренингнинг бориши: (10 дақиқа)
1.Танишув. Тренер: тренингни бошлашдан аввал барчангиз ўзингизга ёққан мультқаҳрамонларидан бирини танланг ҳамда махсус ажратилган қисмига ўз исмингизни ёзиб, махсус қадоқичлар билан кийимингизга осиб олишингизни сўраймиз. Энди эса нима учун айнан ушбу қаҳрамонни танлаганингиз сабабини айтишингиз сўралади.
Ҳаммани фикри диққат билан тингланади ҳамда ушбу қаҳрамонлар мисолида 4 та темперамент яширингани, ўқувчилар қайси темпераментга таллуқли инсон эканлиги тушунтирилади.