1. A ismli fuqaro may oyining o`rtalarida baliq ovlash uchun suv havzasiga bordi. Hudud nazoratchisi baliq ovlayotgan fuqaroni baliq ovlash mumkin emasligi xususida ogohlantirdi

1. A ismli fuqaro may oyining o`rtalarida baliq ovlash uchun suv havzasiga bordi. Hudud nazoratchisi baliq ovlayotgan fuqaroni baliq ovlash mumkin emasligi xususida ogohlantirdi. Bundan norozi bo`lgan fuqaro hudud nazoratchisiga baliq ovlashda hech qanday cheklov yo`qligini aytib e`tiroz bildirdi. Uning e’tirozi o`rinlimi?
a) ha o`rinli, chunki istalgan vaqtda baliq ovlash mumkin.
b) faqatgina may oyida baliq ovlash mumkin emas.
*c) suv havzalarida aprel oyidan iyun oyigacha baliq ovlashda cheklovlar amal qiladi.
2. K ismli shaxs mehnat ta’tilida bo`lgan vaqtida korxona rahbari zudlik bilan ishga chiqishni undan talab qilib, aks holda uni ishdan bo`shatishini ma’lum qilgan. Korxona rahbarining ushbu talabi asoslimi?
a) korxona rahbari istalgan vaqtda xodimlariga talab qo`yishi mumkin.
b) mehnat ta’tilida bo`lgan xodimdan ishga chiqishni talab qilish mumkin emas.
*c) xodimni ta’tildan chaqirib olishga faqat uning roziligi bilan yo`l qo`yiladi.
3. B ismli shaxs xotini bilan ajrashmoqchi ekanligi, to‘yni o‘tkazishda har ikkala tarafning barcha xarajatlari o‘zi tomonidan qilingani haqida bayon qilib, er-xotin nikohdan ajratilayotganda ularning to‘yini o‘tkazishga ketgan sarf-xarajatlarni undirishni talab qildi. Uning bu talabi qanoatlantiriladimi?


a) ha qanoatlantiriladi.
*b) nikohdan ajratish to‘g‘risidagi ish ko`rib chiqilayotganida to`yni o`tkazishga ketgan sarf-xarajatlarni undirish haqidagi talablar qanoatlantirilmaydi.
c) agar xotini rozi bo`lsa, erning talabi qanoatlantiriladi.


4. Sh ismli shaxs ko`p qavatli kvartirada istiqomat qiladi. Uning keksa qo`shnisi umrining oxirigacha boqib parvarishlashi, barcha zaruriy yordamlarni ko`rsatib turishi evaziga o`z kvartirasini unga berishini va’da qiladi. Ushbu holatni huquqiy jihatdan rasmiylashtirish mumkinmi?
*a) ha mumkin, buning uchun Sh ismli shaxs yolg‘iz yashovchi qo‘shnisi bilan umrbod ta’minlash sharti bilan kvartirani boshqa shaxsga berish shartnomasini yozma shaklda tuzib, uni notarial tartibda tasdiqlatishi lozim.
b) yo`q mumkin emas, chunki Sh ismli shaxs keksa odamning merosxo`ri bo`lolmaydi.
c) Sh ismli shaxs kvartirani sotib olsagina, uni huquqiy jihatdan o`ziga rasmiylashtirishi mumkin.
5. M ismli shaxs universitetda to`lov-kontrakt asosida o`qiyotgan 28 yoshli turmush o`rtog`ining kontrakt pulini o`zining ish haqi hisobidan to`ladi. Biroq ish joyidagi buxgalter kontrakt pulini to`lashga yo`naltirilgan ish haqi bo`yicha soliq hisobladi. Bu to`g`rimi?
a) har doim ishlagan ish haqidan soliq ushlab qolinadi.
b) ish haqi kontrakt to`lovi uchun to`lansa, soliq ushlab qolish mumkin emas.
*c) agar ish haqi 26 yoshga to`lmagan erning kontrakti uchun to`langanda edi, soliq undirilmas edi.


6. X ismli shaxs chorrahada svetoforning qizil chirog`ida to`xtab turgan vaqtida yo`lning to`xtab turish chizig`ini bosib o`tgan holda avtomashinani chetga olib, tez tibbiy yordam mashinasini o`tkazib yubordi. Biroq oradan 10 kun o`tib uning yashash manziliga yo`l harakati qoidasi buzgani uchun unga jarima qo`llanilgani haqida xabarnoma keldi. Bu vaziyatda u jarimaga tortilishi kerakmi?

*a) haydovchi jarimaga tortilishi mumkin emas, chunki uning huquqbuzarligi oxirgi zarurat tufayli sodir bo`lgan.

b) haydovchi jarimaga tortilishi kerak, chunki u yo`lning to`xtab turish chizig`ini bosib o`tgan.
c) haydovchi svetoforning qizil chirog`ida to`xtab turishi kerak edi.
7. M. ismli shaxs hozir 19 yoshda. 1 yildan buyon haydovchilik bilan shug‘ullanadi va haydovchilik guvohnomasiga ega. U yo‘nalishsiz taksini boshqarish faoliyati bilan shug‘ullanishi mumkinmi?
a) ha albatta, haydovchilik guvohnmasi bo`lsa hech qanday to`sqinliksiz shug`ullanishi mumkin.
*b) yo`nalishsiz taksini boshqarish faoliyati bilan haydovchilik guvohnomasida «V» ruxsat belgisi bo‘lgan, 21 yoshga to‘lgan, tibbiy ko‘rikdan o‘tgan va kamida uch yillik haydovchi stajiga ega bo‘lgan shaxslar shug‘ullanishi mumkin.
c) yo`nalishsiz taksini boshqarish faoliyati bilan 25 yoshdan shug`ullanish mumkin.