Zumradoylar davrasi

Suhbatning borishi:
Tarbiyachi: Bolajonlar, men sizlarga ikkita rasm koʻrsataman, diqqat bilan qarang. Rasmlarda bolalar tasvirlangan, mana bu rasmdagi bola kanday bola ekan? Birinchi rasmdagi bola toza, ozoda ekan. Nima uchun uni ozoda deymiz? Chunki uning yuzi, qoʻllari, koʻylagi toza. Mana bu rasmdagi bolaning boʻlsa yuzi, koʻllari, koʻylagi kir ekan.
Bolajonlar, ozoda yuramiz deganda nimani tushunasiz? Bolalarning javoblari.
Tarbiyachi: Toʻgʻri, bolalar. Ozodalik - bu toza yurish degani. Ozoda yursak doimo sogʻlom boʻlamiz, hamma bizga havas kiladi. Ozoda yurmasak, qoʻllarimizni yuvmasak, turli kasalliklar kelib chiqadi. Bugun biz qoʻl yuvish odobi haqida suhbatlashamiz. Bolalar, qoʻlimizni nima uchun yuvamiz? Bolalarning javoblari. Tarbiyachi: Siz qoʻlingizni qachon yuvasiz? Bolalarning javoblari. Tarbiyachi: ―Sogʻ tanda sogʻlom aql‖ metodik qoʻllanmadan foydalangan holda rasmlar orqali ozoda yurishlik, qoʻl yuvish, kiyimlarni toza, ozoda, saromjon saqlashi toʻgʻrisida rasmlar koʻrsatib, suhbatlashadi.
Tarbiyachi: bolalar, biz koʻraѐtgan kitob, tozalik, ozadalik haqida ekan. Rasmlariga qarang, odobli bolalar qoʻllarini toza yuvadilar, sogʻlom boʻlib yurishlari uchun koʻchada oʻynab boʻlgandan soʻng qoʻllarini yuvishni unitmaydilar, bu rasmda bola sayrdan keyin, jonivorlar:kuchuk, mushuk bilan oʻynagandan soʻng ham qoʻl yuvishni unitmaslikni bizga eslatyapti.
Tarbiyachi rasmdagi ozoda yurishlik haqidagi rasmlarni birma-bir izohlab, suratlar haqida soʻzlab beradi va xulosa qiladi ozoda, toza yurishlik uchun nimalar qilish kerakligini yana bir bor bolalarga taʼkidlaydi.
Bolalar bilimini tekshirish va mustahkamlash uchun savollar:
Bolajonlar bugun biz nimalar hakida gaplashdik?
Ozoda yurish uchun nima qilishimiz kerak?
Sogʻlom boʻlish uchun nima qilishimiz kerak ekan?
Tarbiyachi suhbat davomida va yakunida bolalarni shirin soʻzlar bilan ragʻbatlantiradi
Uyga vazifa:
Bolalarga:
Bolalar, uyga borganda toza, ozoda yurish haqida bilib olgan tushinchangizni ota-onangizga aytib, koʻrsatib bering. Chiroyli kiyimda tushgan suratingiz boʻlsa olib keling. Keyingi mashgʻulotda biz kiyinish odobi haqida suhbatlashamiz. Ota-onalaringizdan odobli bolalar qanday kiyinishlari kerakligi haqida soʻrab keling.
Ota-onalarga:
Bolalarning bugungi suhbatda qanday mavzuni oʻrganganliklarini soʻrab, suhbat oʻtkazishlari, ―Kiyinish odobi‖ mavzusida bolalar bilan qisqa suhbat oʻtkazishlarini iltimos qilish. Bu vazifaning zaminida kelgusi suhbat mavzusiga bolalarni tayѐrlash, ularni suhbatda faol qatnashishga undash turadi.