Zumradoylar davrasi

«Men ota-onamni yaxshi koʻraman»
Maqsad: Bolalarga ota-onasini yaxshi koʻradigan bolalar muloyimlik bilan gapirishlari, ota-onalarining iltimoslarini, topshiriqlarini bajarishlarini, koʻrsatmalariga quloq solishlari kerakligini tushuntirish.
Kutilaѐtgan natija:
Bolalar muloyimlik bilan gapirishga, ota-onalarining iltimoslarini, topshiriqlarini bajarishga, koʻrsatmalariga quloq solishga oʻrganadilar.
Kerakli jihozlar: Mavzu boʻyicha rasmlar.
Suhbatning borishi:
Tarbiyachi: Bolalar, ota-ona dunѐdagi eng aziz, eng yaqin kishimiz. Ular oʻz farzandlarini juda yaxshi koʻradilar.
Biz ham ularni yaxshi koʻramiz-a? Biz ota-onamizga salom berishni kanda qilmasligimiz, soʻzlarini qunt bilan tinglashimiz, nasihatlariga quloq solishimiz,ularga injiqlik qilmasligimiz kerak. Ota-onasini yaxshi koʻradigan bolalar ota-onalariga muloyimlik bilan gapiradilar, ota-onalarining iltimoslarini, topshiriqlarini bajaradilar, aytgan gaplariga quloq soladilar. Yaxshi bolalar ota-onasiga oʻrgangan sheʼrlarini aytib beradilar. Biz qanday sheʼrlarni oʻrganganmiz?
Bolalarning javoblari.
Oyijonim Q.Muhammadiy
Ukam ѐtganda doim,
Alla aytadi oyim.
Uxla, qoʻzim allaѐ,
Shakar soʻzim allaѐ.
Alla aytadi oyim,
Qoʻshiqlari muloyim.
Alla qilgin, allaѐ!
Uxlab qolgin, allaѐ!
ONA
T. Yoʻldosh
Oftobday kulib ona, – Nega men oq emas-ku,
Qiziga oppogʻim, der. Oppogʻim derlar oyim?..
Qizi oynaga qarab, Oqmi, qora bolasi,
Uyatidan bosar ter: Onaga oppoq doim.
Men sizga koʻchada oʻrtoqlari bilan oʻynab qolib, uyga kech qaytgan Ahmadjon degan bola haqida hikoya oʻqib beraman. Diqqat bilan eshiting.
Kechiring, oyijon!
Hikoya
Ahmadjon koʻchada oʻrtoqlari bilan oʻynab qolib, uyga kech qaytdi. Onasi tashvishlanib oʻtirgan ekan. U onasining holatini koʻrib hijolat boʻldi va:
- Oyijon, meni kechiring, endi bunday qilmayman, – dedi. Onasining chehrasi biroz ѐzildi va:
-Ahmadjon, sen aqlli bolasan, men senga ishonaman, – dedi.
Tarbiyachi hikoya haqida savol-javob oʻtkazadi.
1. Ahmadjon nima uchun koʻchadan kech keldi?
2. Ahmadjon nima uchun oyisidan kechirim soʻradi?
3. Siz koʻchada qanday oʻynaysiz? Koʻchadan kech kelganingizda oyingizdan kechirim soʻraysizmi?