Zumradoylar davrasi mashg'ulot ishlanmasi “odobnoma” mavzu: odob salomdan boshlanadi maqsad

MAVZU: “O‘RTOQ BO‘LISH ODOBI”
Maqsad: Do‘st va do‘stlik haqida tushuncha berish

Ta’limiy maqsad: do‘stlarni yaxshi va yomon kunlarida yonida bo‘lishlari haqida tushuncha berish.

Tarbiyaviy maqsad: do‘stlarga hiyonat qilmaslik va ularga ozor bermasliklari haqida tushuncha berish.

Mashg‘ulotning borishi: Qani bolajonlar aytinglarchi sizning do‘stingiz kim? Biz shu haqida suxbat yuritamiz.

Dilnoza:mening do‘stlarim, ota-onam. Men ularni hurmat qilaman. Barcha buyurgan topshiriqlarini o‘z vaqtida bajaraman. Ularni hech qachon ranjitmayman.

Suxrob: Mening do‘stim Aziz. U bilan birga bog‘chaga boraman, biz birga o‘ynaymiz. U bilan hech qachon urush qilmayman. Aziz ham menga sodiq do‘st. Bir-birimizga yolg‘on gapirmaymiz.

Shaxina: mening do‘stim o‘yinchoqlarim. Men o‘yinchoqlarim bilan har kuni o‘ynayman. Ular bilan zerikmayman.

Aqida: Opajon qushlar ham bizning do‘stimiz. Ko‘pqushlar zararli hasharotlarni va ularning tuxumlarini yeb, bizga foyda keltiradi. Shuning uchun biz bolalar ularni inlarini buzmasligimiz kerak. Qushlarga doim g‘amxo‘rlik qilishimiz shart.

Dilnura: Opajon mening do‘stlarim kitoblarim. Men do‘stlik qanday bo‘lishini kitoblarimdan o‘qib o‘rganaman.

Tarbiyachi: Qani endi do‘stlik haqida tushuncha bering.

Moxina: Do‘sti ko‘p odam doimo sog‘lom bo‘ladi, yo'qi yengil bo‘ladi.

Solixa: Hech kim do‘stidan yaxshiligini ayamasligi kerak. Do‘sti ko‘p odamlar baxtli xisoblanadilar.

Mirshod: Do‘st bo‘lish oson, lekin do‘stlikni saqlash qiyin. Yaxshi do‘st topish uchun avvalambor o‘zi vafoli va sadoqatli bo‘lishi shartdir.

Tarbiyachi: Qani bolajonlar do‘st haqida maqol va she’rlar ham bilasizmi?

Humoyun:Daraxtni tomiri saqlar,

Odamni do‘sti.

Temur: Do‘st achitib gapirar,

Dushman kuldirib.

Asad: Mard dushman,

Sotqin do‘stdan yaxshiroq.

Shoxrux: O‘zinga yoqqan narsani ,

Do‘stinga ham ulashgin.

Zuxra: Do‘st bilan obod o'yin g,

Gar bo‘lsa u vayrona ham.

Do‘st qadam quymas ekan,

Vayronadur koshona ham.

Tarbiyachi: Yaxshi bolajonlar. Endi men sizga “Ikki do‘st” ertagini aytib beraman...

Ertak savol-javoblar bilan mustaxkamlanadi.

“Do‘stlik” qo‘shig‘i bolalar tomonidan yangradi.