Zumradoylar davrasi mashg'ulot ishlanmasi “odobnoma” mavzu: odob salomdan boshlanadi maqsad

Mashg‘ulot borishi:

Tarbiyachi bolalarga “Dasturxon odobi” mavzusidagi rasmni ko‘rsatadi.

Dasturxon odobi deganda nimani tushunasiz?

(Bolalarning javoblari).

Tarbiyachi: To‘g‘ri bolajonlar, eng avvalo dasturxon atrofiga o‘tirishdan oldin qo‘limizni sovunlab yuvib, so‘ng sochiqqa quriguncha artamiz.

Bolajonlar dasturxon odobi dasturxon atrofiga o‘tira bilish degani. O‘zbek xalq urf-odatiga ko‘ra dasturxon atrofida o‘tirishning ham o‘ziga xos tartib-qoidalari bor. Bilasizmi? Kim aytadi?

(Bolalarning javoblari).

Tarbiyachi: O‘tirishda eng to‘rdagi o‘ringa keksalar, ota-onalar, aka-opalar taklif qilinadi. Ovqatlanayotganda shoshmasdan oz-ozdan olish odob bilan chaynash lozim. Suyuq ovqatni to‘kmasdan, sachratmasdan xo‘rillatmay ichish kerak.

Sochiq va salfetkadan foydalanish, ovqatdan keyin og‘izni chayish lozim. Hozir bolalar siz bilan rasm bo‘yicha hikoya tuzamiz. Rasm bo‘yicha tarbiyachining savollari.

Rasmda kimlar tasvirlangan?

Ular nima qilishyapti?

Dasturxon qanday tuzalgan?

Siz dasturxon tuzashda ota-onangizga yordam berasizmi?

Tarbiyachi mavzu bo‘yicha hikoya yoki she’rlar o‘qib berish bilan mashg‘ulotni yakunlaydi.

“Dasturxon odobi”.

Bolajonlar dasturxon atrofida chiroyli o‘tira bilish ham odobdandir. Har bir bola dasturxon atrofida o‘tirayotgan paytda har doim, har vaqt qo‘llarimizni toza yuvib o‘tirishlari
Dasturxonga ovqat olib kelinganda kattalardan oldin qo‘l uzatmaslik kerak. Dasturxon atrofida ko‘p gapirmaslik kerak. Ovqatni chalpillatmasdan, to‘kmasdan yeyish kerak. Kattalardan ruxsatsiz turib ketmasligi kerak. Tishlagan nonini tashlab yoki shirinliklarga botirmasligi kerak.

Taom vaqtida sanchqi, pichoq, sochiq va qoshiqni to‘g‘ri ishlating. Pichoqni o‘ng qo‘lda, sanchqida chap qo‘lingizda foydalaning. Qoshiq, sanchqilarni tovoqqa sharaqlatib qo‘ymang. Taom yegandan so‘ng qo‘llaringizni yuvib, so‘ng sochiqqa artish kerak.

Tarbiyachi: Bolajonlar hozir men sizlarga Yu.Tolipovning “Odob” nomli she’rini o‘qib beraman.

Qo‘yildi dasturxonga,

Chinni laganda palov.

Qo‘l uzatdi Shodiboy,

Birinchi bo‘lib darrov.

Tarbiyachi: Bolajonlar, Shodiboyning ishi to‘g‘rimi? (Shodiboyning ishi noto‘g‘ri, ovqatni oldin kattalar boshlab beradilar, kichiklar hammadan oldin ovqatga qo‘l uzatsa odobsizlik bo‘ladi).

\