Зомин шахрида курулиши режалаштирилган йиллик ишлаб чикариш куввати 30000 дона бўлган қурулиш ғиштини ярим қуруқ усулида ишлаб чиқариш корхонасини лойиҳалаш

Глазурлаш ва ангоблаш. Пиширилган маҳсулот юзасига глазур ёки ангоб суркалиб яна 1000- 1100⁰С да пиширилади.
Пишришда глазурнинг ташкил этувчи қисмлари суюқланади ва плитка юзасида шишасимон юпқа қатлам ҳосил қилади. Бу қатлам ғоят манзаралилиги билан бир қаторда плиткаларнинг сув ўтказмаслигини ҳам таъминлайди. Канализация трубалари, қоплама ғиштлар ва фасад қопланадиган плиткалар ҳам глазурланади. Бу буюмлар қуритилгандан кейин глазурланади ва бир марта пиширилади.
Керамик буюмларни сортларга ажратиш ва сақлаш. Печдан чиқариб олингандан кейин керамика буюмлар сортларга ажратилади. Буюмлар сифати - пиширилиш даражаси, ташқи кўриниши, шакли, ўлчамлари, шунингдек, турли нуқсонлар бор-йўқлигига қараб аниқланади. Пишириш даражаси бўйича уларни нормал пишган, чала пишган ва ўта пишган буюмларга бўлиш мумкин. Буюмларнинг сорти ташқи кўриниши, шакли, ўлчамлари ва давлат стандарти талабларига мувофиқ келиши, нуқсонлар мавжудлиги бўйича белгиланади.
Сортларга ажратилгандан кейин буюмлар омборга юборилади, бу ерда қурилишга юборилгунга қадар сақланади. Ғишт ва керамик тошлар арча тарзида ёки тагликларга териб қўйилади ва очиқ майдонларда сақланади. Сортларга ажратилган ва арматура билан комплектланган санитария-техник буюмлар махсус яшикларга жойланади ва берк омборларда сақланади.


I-боб бўйича хулосалар
Керамик буюмлар ишлаб чиқариш учун яроқли бўлган соз тупроқ таркибини ўрганиш натижасида қуйидаги хулосаларга келдик:
1.Республикамизда энг кўп тарқалган деворбоп материаллардан бири-оддий қурилиш ғиштидир. Ўзбекистонда қурилиш ғиштларини ишлаб чиқариш учун хом ашё сифатида асосан соз тупроқ ишлатилади. Соз тупроқ келиб чиқиши, таркиби ва техник хусусиятларига кўра оддий тупроқдан кам фарқ қилади. Текширишлар шуни кўрсатдики, соз тупроқ таркиби актив минералларга бойроқ экан.
2. Қуритиш бостирмаларида табиий усулда қуритиш ёқилғи сарфлашни талаб қилмайди, лекин узоқ вақт (10-15 кун) давом этади ва ҳавонинг температураси ва намлигига боғлиқ бўлади. Хозирги вақтда йирик заводларда, одатда, хом ашё вақти-вақти билан ишлайдиган камерали қуритгичларда ва узлуксиз ишлайдиган тунелли қуритгичларда сунъий усулда қуритилади.