Зиѐвуддин Раҳим, Одилхон қори Юнусхон ўғли

“Ҳақиқатан, Бизнинг элчиларимиз Иброҳимга хушхабар билан келиб, салом бердилар. У ҳам: 
“Салом”, деди-да, қараб турмай қовурилган бир бузоқни келтирди. Энди качон қўллари овқатга 
бормаѐтганини кўргач, уларни танимай қолди, улардан хавфсирай бошлади. 
(Шунда)
 улар: “Қўрқма! 
Биз Лут қавмига юборилганмиз”, дедилар. Хотини турган эди, кулди-хурсанд бўлди. Шунда Биз у 
аѐлга Исҳоқ ҳақида, Исҳоқдан кейин Яъқуб ҳақида хушхабар бердик. У деди: “Вой ўлмасам, ўзим 
кампир, мана бу эрим қари чол бўлса ҳам туғавераманми? Бу жуда қизиқ иш-ку!” Улар айтдилар: 
“Аллоҳнинг амридан ажабланяпсанми? Эй хонадон эгалари, сизларга Аллоҳнинг раҳмати, баракоти 
бўлгай. Албатта У ҳамду сано Эгаси, Буюкдир” 
(“Ҳуд” сураси, 69-73-оятлар). 
Аллоҳ таолонинг 
“Ҳақиқан, Бизнинг элчиларимиз Иброҳимга хушхабар билан келиб…”
оятидаги элчилардан мурод Иброҳим алайҳиссаломга ўғли Исҳоқ туғилиши башоратини бериш учун 
юборилган бир гуруҳ фаришталардир. 
Иброҳим алайҳиссалом билан фаришталар ўртасида ўзаро салом-аликдан кейин улуғ пайғамбар 
“қараб турмай қовурилган бир бузоқни келтирди”. 
Иброҳим алайҳиссалом ташриф буюрган элчиларни очиқ юз билан кутиб олиб, уларга иззат-икром 
кўрсатди. Бироқ меҳмонлар олдиларига тортилган ноз-неъматлардан емаѐтганларини кўргач, Иброҳим 
алайҳиссалом қалбига қўрқув тушди. Шунда фаришталар уни хотиржам қилиш мақсадида: 
“Қўрқма! Биз 
Лут қавмига юборилганмиз”, 
дедилар.
 
Яъни: эй Иброҳим, қўрқма! Биз инсон наслидан эмасмиз. Аллоҳ таоло бизни Лут қавмини ҳалок 
қилиш учун юборди. 
Иброҳим алайҳиссалом аѐли бу ҳодисага қандай муносабат билдиргани ҳақида шундай дейилган: 
“Хотини турган эди, кулди-хурсанд бўлди. Шунда Биз у аѐлга Исҳоқ ҳақида, Исҳоқдан кейин Яъқуб 
ҳақида хушхабар бердик”. 
Қуртубий таъкидлашича, ўша аѐл Иброҳим алайҳиссалом амакисининг қизи Сора бинти Ҳорон ибн 
Ноҳурдир. 
Фаришталар Иброҳимга айтган гапларини эшитган Сора севинганидан кулиб юборди. Шундан сўнг 
Сорага Исҳоқ, унинг кетидан Яъқубнинг хушхабари берилди. 
Ўша вақтда Сора фарзанд кўриш ѐшидан ўтган, аммо ўртада бола йўқ эди. Сора башоратни эшитиб 
ажабланди, ҳайрон бўлиб шундай деди: