Зиѐвуддин Раҳим, Одилхон қори Юнусхон ўғли

11. Икки кўлни кўтариб қиблага юзланиш. 
Икки қўлни кўтариш банда муҳтожлигини кўрсатади. Ҳадиси шарифда айтилишича, мўмин банда 
икки қўлини кўтариб ихлос билан дуо қилса, Аллоҳ унинг қўлини қуруқ қайтаришдан уялади (Абу Довуд, 
Термизий, Аҳмад ривояти). 
12. Дуо қилинадиган жой покиза, хаѐлни чалғитувчи нарсалардан холи бўлиши. 
Зикр-дуолар покиза жойда қилинади. Шунингдек, банда дуо қилаѐтганида фикрни чалғитадиган 
ортиқча зийнатлардан узоқ бўлиш афзал. Зеро, дуода хаѐл бўлинса, хушуъ камаяди. 
13. Дуо қилувчининг танаси пок бўлиши. 
Дуо қилувчининг бутун танаси, айниқса, оғзи пок бўлиши керак. Агар оғиз ҳидланса, мисвок билан 
тозаланади ѐки сув билан чайилади. Оғиздан ѐқимсиз ҳид келиб турган ҳолда дуо қилиш одобга зиддир. 
14. Макруҳ саналган вақтларда ѐки жойларда дуо қилмаслик. 
Имом хутба қилаѐтганда, яна нопок жойларда дуо қилиш макруҳ. Чунки имом хутба қилаѐтганда 
хутбага қулоқ солинади. Нажосат бор жойда дуо қилинмайди. 
ДУОДА МАКРУҲ САНАЛГАН АМАЛЛАР 
1. Овозни баланд кўтариш. 
2. Икки бармоғи билан ишора қилиш. 
3. Дуода ҳаддан ошиш (Масалан, Аллоҳдан ҳаром нарсани ѐки гуноҳ ишни сўраш). 
www.ziyouz.com kutubxonasi

---

85 
4. Мумкин бўлмаган нарсаларни, масалан, дунѐда мангу қолишни сўраш. 
5. Қайтарилган бидъат-хурофотлар билан дуо қилиш. 
6. Дуода сўзларни қофияли қилиш (Яъни, хушуъга эмас, қофияга берилиб кетиш). 
7. Дуода истисно қилиш. Яъни, “Ё Аллоҳ, агар хоҳласанг, ундан қил, бундай қил”, дейиш. Аслида “Ё 
Аллоҳ, имонимни саломат қил, офият бер, икки дунѐ саодатига эриштир”, деб қатъий ишонч билан дуо 
қилинади. 
ДУО ИЖОБАТ БЎЛИШИ ШАРТЛАРИ 
Дуо Аллоҳ тарафидан ижобат қилиниши шартлари қуйидагилар: 
1. Аллоҳга ихлос билан дуо қилиш, ҳожатлари раво этилишини фақат Ўзидан сўраш. 
Ҳар қандай амалнинг қабул бўлишида ихлос муҳимдир. Ихлоссиз, фикр-хаѐли жойида бўлмаган 
ҳолда қилинган дуода яхшилик йўқ.