Зиѐвуддин Раҳим 2 бисмиллаҳир роҳМАНир роҳийм!

Абу Жаҳмга олиб боринглар, менга анбижонияни олиб келинглар!” дедилар (Бухорий, Муслим, 
Абу Довуд, Насоий ривоят қилган). 
Абу Жаҳм – машҳур саҳобий куняси. Унинг тўлиқ исми Омир (Убайдуллоҳ) ибн Ҳузайфа 
Қурашийдир. У киши Расулуллоҳ соллаллоҳу алайҳи ва салламга кўйлак совға қилган эди. 
Анбижония – сидирға, гулсиз, бир хил рангдаги кўйлак. 
Намозхон либоси оддий, турфа нақшлардан, ѐзувлардан холи бўлгани маъқул. Шунингдек, 
жойнамозда, ѐн атрофда хаѐлни чалғитадиган ашѐлар бўлмаслиги тавсия этилади. Чунки бундай 
нарсалар хушуъни кетказади. Абу Жаҳм ҳадя қилган кўйлак Расулуллоҳ соллаллоҳу алайҳи ва 
салламдек зотни чалғитган экан, бошқаларни гапирмаса ҳам бўлади. 
Баъзи уйлар деворига турли расмлар илиб қўйилади, мебеллар жонли мавжудотлар: одамлар, 
ҳайвонлар ҳайкали билан безатилади. Қолаверса, кўпинча идиш-товоқларга, пардаларга, кийим-
кечакларга, кўрпа-ѐстиқларга ҳам жонли нарсалар сурати туширилади. Маълумки, мўмин-мусулмон 
кишининг уйида намоз ўқилади, дуо-илтижо қилинади. Хонадонимга раҳмат фаришталари киришига, 
Аллоҳнинг файз-баракаси ѐғилишига тўсқинлик қилмай, деган инсон бундай нуқсон-камчиликларни 
тузатади. 
26-САБАБ. ТАНА АЪЗОЛАРИНИ, ЛИБОСИНИ ЎЙНАМАСЛИК 
Намозда турганда тана аъзолари заруратсиз ўйналмайди. Жумладан, бош қашилмайди, либос 
тўғриланмайди. Бундай ишларни намозга киришдан аввал қилинади, намозни хушуъ билан ўқишга 
халақит берадиган ҳолатлар олди олинади. Фиқҳ китобларида ѐзилишича, амали касир қилган 
одамнинг намози бузилади. “Амали касир” кўп иш дегани. Намозда бир қўл билан бажариб 
бўлмайдиган, иккала қўл билан бажариладиган ишлар амали касирдир. Масалан, салла ўраш, тўн 
кийиш, белбоғ боғлашга ўхшаган ишлар намозни бузади. Баъзилар тор шим кийганлари учун саждага 
кетишдан олдин шимни бир кўтариб оладилар. Бу иш дам-бадам такрорланади. Мана шу ҳолат ҳам 
хушуъга халал беради. Бунинг олдини олиш учун кенгроқ, қулайроқ либос кийилади.