Зиѐвуддин Раҳим 2 бисмиллаҳир роҳМАНир роҳийм!

3. Авратни беркитадиган бўлиши. 
“Аврат” сўзи луғатда “душман кириши хавфи бор ҳар қандай нозик, бўш, ҳимояланмаган жой” 
маъносини англатади. 

---

43 
Инсон аврати деганда, одамларга кўрсатишдан уяладиган аъзолари назарда тутилади. Чунончи, 
киши вужудида номаҳрамлар қараши ҳаром қилинган жойлар аврат дейилади. 
Хоҳ эркак, хоҳ аѐл бўлсин, тананинг аврат жойларини очиш, номаҳрамларга кўрсатиш ҳалол 
эмас. Авратни беркитиш, бегона кўзлардан яшириш вожиб. 
Эркакларда тананинг киндикдан тизза остигача бўлган қисми авратдир. Тушунарлироқ бўлиши 
учун эркак кишининг қайси аъзолари аврат ҳисобланишини айтиб ўтамиз: 
1. Жинсий аъзо, унинг атрофи. 
2. Икки мояк. 
3. Орқа аврат, унинг атрофи. 
4. Икки думба. 
5. Икки сон (тиззалар ҳам). 
6. Киндик ҳамда қовуқ ораси. 
Муслима озод аѐлнинг икки кафти (билаги ошиғигача), оѐқ тўпиғининг пастки қисми (қадами), 
юзидан бошқа бутун бадани аврат ҳисобланади. Сочи, гажаги ҳам авратга киради. Чунончи, аѐлнинг 
қуйидаги аъзолари аврат саналади: 
1. Жинсий аъзо. 
2. Икки қулоқ. 
3. Икки кўкрак. 
4. Оѐқнинг билак қисми ва сон (қадам бунга кирмайди). 
5. Қўл (кафт қисми аврат эмас). 
6. Гардан. 
7. Бош. 
8. Соч. 
9. Бўйин. 
10. Елка. 
Аврат аъзолари бежизга санаб ўтилмади. Чунки, авратни ѐпиш намоз шартларидандир. Агар 
авратнинг тўртдан бир қисми намоз ичида бир тасбеҳ айтиш, яъни бир рукнни адо этиш вақтида 
очилса, намоз бузилади. Тўртдан биридан оз қисми очилса ѐки очилган заҳоти ѐпилса, бузилмайди. 
Ҳозир айрим ѐшлар жуда калта майка, футболка, шортик, юпқа либослар кийиб масжидга 
келишади. Бу кийимлар бировга кўрсатиш уят саналадиган жойларни тўлиқ беркитмайди ѐки рукуъда, 
саждада авратлар (жумладан, тиззаси, киндиги, орқаси) очилиб қолади. Бу билан намозга путур етади, 
бошқаларнинг ҳам хушуъси йўқолади. Шунингдек, масжидга ҳар хил нарсалар сурати туширилган 
кийимлар кийиб келиш ҳам тўғри эмас. Мусулмон одам сал эътиборли, фаросатли бўлади, қаерга 
келаѐтгани, намозни нима учун ўқиѐтгани ҳақида фикр-мулоҳаза юритади.