Зиёвуддин Раҳим Дилдаги гаплар СЎзбоши

ОДАМЛАР ГАП-СЎЗИ 

---

“Ҳа”, десангиз ҳам гапиришади. “Йўқ”, десангиз ҳам гапиришади. Индамай турсангиз ҳам 
қандайдир гап эшитасиз. Демак, одамлар маломатидан ҳеч қачон бенасиб қолмайсиз. 
КУЛГИ ВА ЖИДДИЙЛИКДАГИ МЕЪЁР 
Ҳар ишда мўътадиллик яхши. Масалан, кулги ва жиддийликни олайлик. Доим жиддий бўлишга 
ҳаракат қиладиган, тишининг оқини ҳам кўрсатмайдиган одамнинг бети бориб-бориб совуқлашиб 
кетади. У худди жонсиз ҳайкалга ўхшаб қолади. 
Аксинча, бўлар-бўлмасга тиржайиб, ҳин­­гиллаб кулаверадиган одамнинг субути кетади, 
ҳурмати пасаяди. 
ИСРОФГА ЎЧЛИК, ТАЪЛИМГА ЭЪТИБОРСИЗЛИК 
Кўпчилик тўй-ҳашамга, орзу-ҳавасларга ҳаддан ортиқ пул сочади, бироқ боласининг ўқишига, 
ўзининг соғлиғига – зарур жойларга келганда бироз “ўйланиб” қолади, иккиланади. 
МАНСАБ МАСЪУЛИЯТИ 
Кимлар учун мансаб йиллар давомида машаққат билан эришиладиган марра, мўмай даромад 
топиш, обрў орттириш манбаи бўлиши мумкин. Лекин имон-эътиқодли, виждонли киши учун мансаб 
омонат, масъулият, оғир вазифа демакдир. 
“ФОЙДАЛИ ИШ” ТУШУНЧАСИ 
Фойдали иш, деганда фақат моддий манфаат келтирадиган иш назарда тутилмайди. Зеро, шундай 
ишлар бор, улар ортидан сариқ чақаям даромад топилмайди, лекин унинг одамларга нафи кўп тегади. 
Шундай касблар бор, моддий манфаат келтиргани билан эл-юртга сариқ чақалик маънавий фойдаси 
бўлмайди. Аксинча, зарари етади. 
МИЛЛАТИМИЗ ҚАНДАЙ ТИКЛАНАДИ? 
Миллат тикланиши учун мен, сен, у – биз ғафлат уйқусидан уйғонишимиз, кўзимизни очишимиз 
керак. 
БИРГИНА ОДАМ, БИРГИНА СЎЗ 
Биргина одам бутун бошли юртни тараққий эттириши ёки ҳалокат ёқасига олиб бориши мумкин. 
Биргина сўз инсонлар қалбида шижоат ўтини ёқиши ёки шаштини пасайтириши мумкин. 

---

ОЛТИНГА ТЕНГ СУКУТ 
Кези келганида сукут сақлай олиш олтинга тенглаштирилади. Лекин ўрни келганида ҳам 
гапирмай, мум тишлаб туришни ҳикмат, деб бўлмайди. 
УЛКАН ЮТУҚ 
Сиз ўз хатоларингизни кўра оляпсизми ёки ўзгалар томонидан айтилган нуқсон-
камчиликларингизни тан олиб, уларни тузатишга ҳаракат қиляпсизми? Агар шундай бўлса, бу сизнинг 
улкан ютуғингиз.