Зиёвуддин Раҳим Дилдаги гаплар СЎзбоши

МАНТИҚСИЗ СУКУТ 
Кимдир учун гапириш, яна кимдир учун сукут ҳикмат. Аслида гапнинг ҳам, сукутнинг ҳам 
мавриди бор. Улар ўрнини топганидагина ҳикмат бўлади. Акс ҳолда беҳуда гап, мантиқсиз сукутдан 
бўлак нарса эмас. 
ИМТИҲОНДАН ЎТИШ 
Мусибат баъзиларни сизга яқинлаштиради, баъзиларни эса узоқлаштиради. 
ОДАМ НЕГА ЎЛИМДАН ҚЎРҚАДИ? 
Одам ўлимдан нега қўрқади? Чунки кўпчилик ўлимдан кейинги ҳаёти учун ҳозирлик кўрмайди, 
фақат ўткинчи дунёсини обод қилиш йўлида елиб-югуради. Уламолардан бири айтганидек, киши обод 
мас­кандан хароба жойга боришни истамайди. 
ҲАМД ВА МАДҲ ОРАСИДАГИ ФАРҚ 
“Ҳамд” билан “мадҳ” сўзлари шакл ва маъно жиҳатидан бир-бирига яқин. Кимдир унисидан, яна 
кимдир бунисидан насибадор. 
ЗУЛМАТНИ ЁРИТГАН МИТТИ ШАМ 
Қуёш чарақлаб турганида каттароқ чироқнинг ҳам ўрни билинмайди. Кечаси эса кичкинагина 
шам ҳам зулматни ёритиши мумкин. 
Кунингиз қуруқ нон билан чойга қолса, аввал истеъмол қилиб юрганингиз неъматлар – юмшоқ 
нон, лаззатли таомлар, ширин ичимликлар нақадар улуғлигини ҳис этасиз. 
Қоронғи ва дим хонада ўтирсангиз тоза ҳаво қадрини биласиз. Ҳақиқатан, биз жуда кўп 
неъматлар қадрига етмаймиз, ношукрмиз. 

---

БЕҲУДА ТОРТИШИШ БОИСИ 
Гапни охиригача эшитмасдан ёки яхши тушунмасдан қарши фикр айтиш беҳуда баҳс-мунозара 
эшигини очади. 
СОХТА ДЎСТ 
Ҳаёт синовлардан иборат. Ишингиз юришиб турганида дўстдек кўриниб, қи­йин кунларда сизни 
ташлаб кетадиган кимса дўст эмас. 
МАЪНАВИЙ ЧЕГАРАЛАР ЗАИФЛАШУВИ 
Юрт чегаралари қанчалик мустаҳкам бўлмасин, агар маънавий чегаралар заиф­лашса, ҳар 
нарсани ўтказувчан бўлса, ундай жамият кучли бўла олмайди. Зеро, миллат ўз қадриятлари билан 
қудратли. Миллийлигини йўқотган халқ, ўзлигидан узоқлашган жамият таназзулга маҳкум. 
ЗЕРИКАРЛИ СУҲБАТ, БЕФАЙЗ ҚИЁФА 
Шундай кимсаларни кўрасиз, улардан дунёга муҳаббат ҳиди анқиб туради. Юзига боқиб, маъно 
топмайсиз, суҳбатлашсангиз дунё икир-чикирларидан нарига ўта олмагани учун зерикиб кетасиз.