Зиёвуддин Раҳим 2 бисмиллаҳир роҳМАНир роҳийм!

МЕЗОН (ТАРОЗИ, АМАЛЛАРНИ ТОРТИШ) 
Қиёмат куни бандаларнинг яхши, ёмон амаллари мезонда тортилади. Биз бунга аниқ ишонамиз. 
Чунки бу ҳақида Қуръони каримда қатъий далиллар келган. Аллоҳ таоло айтади: 

---

74 
“--------------------------- Арабий матн --------------------------“ 
“Биз қиёмат куни учун адолат мезонларини қўямиз. Бас, бирон жонга заррача зулм 
қилинмайди. Агар хардал 
(ўсимлиги)
уруғидек 
(яъни, заррача яхши ёки ёмон амал қилинган)
бўлса, 
ўшани ҳам келтирамиз. Биз Ўзимиз етарли ҳисоб-китоб қилувчимиз”
(“Анбиё” сураси, 47-оят).
Аллоҳ таоло қиёмат куни адолат тарозисини ўрнатади. Ўшанда ҳаммага бирдек муносабатда 
бўлинади, бирон кишига зулм қилинмайди: бировнинг савоблари камайтирилмайди, гуноҳлари 
кўпайтирилмайди. Банда тириклигида қилган зарра миқдоричалик амали ҳам ҳисобга олинади, ҳеч бир 
хатти-ҳаракат эсдан чиқарилмайди, бирон ҳолат эътибордан четда қолмайди. 
Аллоҳ таоло шундай деган: 
“--------------------------- Арабий матн --------------------------“ 
“
(Амалларни)
тўғри тортиш ўша куни бўлади. Шундай экан, кимнинг тортилган 
(яхши 
амаллари)
 оғир келса, ана ўшалар нажот топувчилардир. Кимнинг тортилган 
(яхши амаллари)
 енгил 
бўлса, улар оятларимизга 
(кофир бўлиш билан)
зулм қилиб ўтганлари сабаб ўзларига зиён қилган 
кимсалардир”
(“Аъроф” сураси, 8-9-оятлар). 
Қиёмат куни банда амаллари ҳисоб қилиниши билан чекланмайди, балки тарозида ҳам тортилади. 
Бу тарози тўғри ишлайди, жуда кичик нарсалар вазнини ҳам аниқ кўрсатади. Мезонда кимнинг солиҳ 
амаллари оғир келса, нажот топибди. Кимники енгил бўлса, зиён кўрибди. 
Дунёдаги тарозилар, ўлчов воситалари нотўғри ишлаши, вазнни хато кўрсатиши мумкин. Устига-
устак тарози эгаси ўзининг фойдасига ишлайдиган қилиб “созлаб” қўйиши ҳам кузатилади. Бироқ 
охиратда бандалар қўлидан ҳеч нарса келмайди, дунёдагидек макр-ҳийлалар, қинғир ишлар ўтмайди. У 
кунда ҳамма нарса адолат билан ҳисоб қилинади. Аллоҳнинг Мезони тўғри, аниқ тортади. Бу борада 
бирон кишига тариқча ноҳақлик қилинмайди. 
Қиёмат – жуда оғир, даҳшатли кун. Ўша куни учта жойда: (1.) Амаллар тортилаётганда, (2.) Номаи 
аъмоллар берилаётганда, (3.) Сирот кўпригидан ўтаётганда биров бировни эслай олмайди. 
Чунки, амаллар тарозига солинаётганда банда уларнинг оғир ёки енгил келишини билмайди, 
“Солиҳ амалларим енгил чиқмасмикан?!” деб хавотирланади. Номаи аъмоли ўзига берилаётганида 
“Саҳифам ўнг томондан берилармикан ёки чап томондан берилармикан?!” деб ўйлайди. Жаҳаннам устига 
тортилган сирот кўпригидан ўтаётганда “Ундан эсон-омон ўта олармиканман, пастга қулаб 
кетмасмиканман?!” деб ҳадиксирайди... 
Аллоҳ таоло қиёматда барчамизга раҳм қилсин, охиратдаги хорликдан, шармандаликдан асрасин! 
Қуръони каримнинг бошқа сурасида мезон ҳақида шундай дейилган: 
“--------------------------- Арабий матн --------------------------“