Zeemannıń normal effekti. Kadmiydiń qızıl sızıǵınıń ajıralıwınıń magnit maydanınıń shamasına ǵárezligin ólshew – Fabri-Pero etalonın paydalanatuǵın spektroskopiya Eksperimenttiń maqseti

Paydalanılatuǵın apparatura
Kadmiyli lampa.
Korpusqa iye universallıq drossel.
Joqarı amperli toqtıń deregi.
Xomutı bar U-tárizli ózek (serdechnik).
Katushka, 10 amperlik hám 480 oramlı.
Úlken tesiklerge iye eki polyuslıq nakonechnikler.
Fabri-Pero etalonı.
Joqarı dállikke iye optikalıq skamya, 1 m.
Rezbalı tiykarǵa iye riders.
60/50 optikalıq ridersler.
Fokuslıq aralıǵı f=+150 mm bolǵan eki linza.
Interferenciyalıq filtrler ushın uslap turıwshı.
VideoCom USB.
Universallıq ólshewshi ásbap.
Mobillik CASSY.
Kombinaciyalanǵan B-sensor S.
15 polyuslıq uzaytqısh.
Podstavkanıń sterjeni, 47 sm.
Multiqısqıshlar LD.
Tutastırıwshı ótkizgishler, 100 sm.
Usılarǵa qosımsha personallıq kompyuterdiń bolıwı shárt.


Qáwipsizlik texnikası

Kadmiyli lampanıń toq ótkiziw sımları hám startlıq elektrodlardıń rezistorları ashıq turadı hám sonlıqtan adamnıń qolınıń tiyiwi múmkin. Ásbaptıń toq ótkizetuǵın bólimlerine jaqınlamańız. Olar ómir ushın qáwipli. Erkin ferromagnitlik bólimlerdiń elektromagnitke qaray tartılıwı múmkin hám kadmiyli lampanıń kvarctan islengen iynesin zaqımlawı múmkin.

Magnitti toqtıń deregine qospastan burın polyuslik nakonechniklerdiń bekkem etip bekitilgenligin tekserińiz. Magnit arqalı toq ótip turǵanda kadmiyli lampaǵa jaqın orınlarda ferromagnitlik zatlardı paydalanbańız. Kadmiyli lampa janıp turǵnada onıń korpusın alıp taslawǵa bolmaydı. Kadmiyli lampanıń kvarclıq lampasın qolıńız benen hesh qashan uslamańız.
Kadmiyli lampanıń kvarctan islengen ıdısın hesh qashan qolınız benen uslamańız.


Dúzilistiń mexanikalıq bólimi:
Shtativtiń riderstiń qasındaǵı rezbalı sterjenin qatırıńız. U tárizli ózekti erkin aylanıwı ushın shtativtegi rezbalı sterjende ornalastırıńız hám katushkalardı jaylastırıńız. Polyuslik nakonechnikler menen kadmiyli lampanı nakonechnik plastinkadaǵı tesik arasındaǵı qashıqlıqtı 10 mm shamasında etip ornalastırıńız. Qısqıshlardıń vintlerin házirshe qatırmańız. Kadmiyli lampanı polyustıń nakonechnikleriniń arasına jaylastırıńız. Lampanıń nakonechniklerdiń dál ortasında turǵanlıǵına dıqqat awdarıńız. Lampanı bekitiw noqatı artqı bólimde turıwı, al toq ótkeriwshi ótkizgishlerdiń nurdıń júriwine kesent bermewi kerek. Magnit maydanın ólshegende kadmiyli lampanıń jılısıwı yamasa pútkilley alınıwınıń múmkinshiligi támiyinleniwi shárt. Polyuslıq hám uslap turıwshı plastinalardı qısqıshlardıń vintleriniń járdeminde bekitińiz. Nakonechniklerdi ornalastırıńız hám qıyqıshlardı vintler menen bekitińiz. B-sensordı zontqa nakonechniklerdiń ortasında vertikal baǵıtta urınba túsiriw múmkinshiligi támiyinlenetuǵınday etip ornalastırıńız.