Ўзджтсу 65 ёшда! Спорт ўйинлари факультети

СИРТҚИ БЎЛИМ
Сиртқи таълим факультети 1958 йил 20 октябрда ташкил топган. Даставвал «Сиртқи ва кечки таълим бўлимлари» мақоми билан фаолият кўрсатиб келган ва 1970 йилдан «Сиртқи таълим факультети» деб аталган.
Факультетнинг ўн йили давомида О.Ф.Иванова бўлиб, 1969 йилдан 1990 йилга қадар факультетга Ўзбекистонда хизмат кўрсатган жисмоний тарбия ва спорт ходими, доцент Р.А.Рафикова раҳбарлик қилган.
1990 йилдан 2007 йилгача факультетга доцент О.О.Пўлатов бошчилигида иш олиб борган.
Факультет ўз фаолияти давомида жисмоний тарбия ва спорт йўналишидаги 27 та спорт ихтисосликлари бўйича 12114 нафар «Жисмоний тарбия ўқитувчиси ва танланган спорт тури бўйича тренер» малакасига эга кадрлар тайёрланган. Мустақиллик йилларида 3351 нафар олий маълумотли кадрлар тайёрланган.
Сиртқи факультет талабава битирувчилари энг юқори спорт натижалари, спорт даража ва унвонларига эришган. Жумладан, спорт усталари –1279 нафар; халқаро тоифадаги спорт усталари – 214 нафар; хизмат кўрсатган спорт усталари – 40 нафар; Ўзбекистонда хизмат кўрсатган тренер – 130 нафар; Осиё ва Жаҳон, Олимпия ўйинлари ғолиб ва совриндорлари – 368 та. Осиё ва Олимпиада ўйинларида жами 548 нафар сиртқи факультет битирувчилари иштирок этган.
Факультет С.Бабанина (сузиш), Г.Красницкий, М.Ан, В.Фёдоров (футбол),М.Касимов (футбол) Ш.Загретдинов, Н.Бутузова (камондан отиш), Ю.Ковшов (от спорти), С.Рузиев (қиличбозлик) В.Шин, А.Григорьян (бокс), К.Юсупов (кураш), А.Рахимов, Р.Саидов (бокс), О.Чусовитина (гимнастика), О.Яригина, Л.Перепелова (енгил атлетика), Ш.Зоиров (бокс), Б.Жалолов (бокс) каби битирувчилари ўзбек спортининг ёрқин юлдузлари сифатида мамлакатимиз шуҳратини Жаҳон ҳамжамияти олдида баланд кўтарган шахслардир.
Сиртқи факультет битирувчилариданО.Рихсиева, Ш.Кадиров, В.Шин, Д.Шарипова фан номзоди ва фан доктори илмий даражаларини олишга муяссар бўлганлар.
Мустақиллик даврида бўлиб ўтган Олимпиада ўйинларида сиртқи факультет талабалари ва битирувчилари қуйидаги натижаларни қўлга киритган:
1992 йил XXV Олимпиада – Барселона (Испания)
1. Анатолий Асрабаев (ўқ отиш) – 2 ўрин
2. Оксана Чусовитина (гимнастика) – 1 ўрин
3. Валерий Захаревич (қиличбозлик) – 3 ўрин
1994 йил XVII – Қишки Олимпиада – Лиллехамер (Норвегия)
1. Лина Черязова (фристайл) – 1 ўрин
1996 йил XXVI – Атланта (АҚШ)
1. Армен Богдасаров (дзюдо) – 2 ўрин
2000 йил XXVII – Олимпиада Сидней (Австралия)
1. Рустам Саидов (бокс) – 3 ўрин,
2. Алишер Рахимов (бокс) – 6 ўрин.
2016 йил XXХI – Олимпиада –Рио де Жанейро (Бразилия)

1. Шахобиддин Зоиров (бокс) – 1 ўрин

Сиртқи таълимнинг кейинги фаолияти Ўзбекистон Республикаси Президентининг 2017 йил 10 августдаги ПҚ-3197-сон қарори 3-бандига мувофиқ Ўзбекистон давлат жисмоний тарбия институтида 2017 йил 2-сентябрдан «Сиртқи бўлим» ташкил қилинган. Унга дастлаб п.ф.н., профессор Р.Маткаримов,2018 йилдан 2020 йил январгача п.ф.нб.ф.д.М.У.Арзикулов,раҳбарлик қилган.
Бундан ташқари, Ўзбекистон Республикаси Президенти Ш.М.Мирзиёев раҳбарлигида 2019 йил 4 сентябрда ўтказилган 36-сон видеоселектор мажлиси баёнида белгиланган топшириқлар ижросини таъминлаш мақсадида 2019/2020 ўқув йилидан махсус сиртқи таълим шакли ҳам ташкил этилди. Сиртқи бўлим Ўзбекистон Республикаси Вазирлар Маҳкамасининг 2017 йил 21 ноябрдаги 930-сонли олий таълим муассасаларида сиртқи (махсус сиртқи) ва кечки (сменали) таълимни ташкил этиш тартиби тўғрисидаги низомларни тасдиқлаш ҳақидаги қарорига мувофиқ ички низом ишлаб чиқилган. Ҳозирда бўлимни б.ф.д., доцент Д.Иштаев бошқармоқда.
Сиртқи бўлимда 2019/2020 ўқув йилидан триатлон, биотлон, хоккей, 2020/2021 ўқув йилидан стол тенниси, шахмат, тоғ чанғи спорти, каратэ ВКФ таълим йўналишлари очилди.