%збекстан Республикаси халы3 билимлендири7 министрлиги

«Жәмийетлик пәнлер» кафедрасында оқытылатуғын пәнлерден талабалардың билимин рейтинг системасы тийкарында баҳалаў критериясы.
Кафедрада оқытылатуғын пәнлер бойынша рейтинг кестелери, қадағалаў түрлери, саны ҳәм ҳәр бир қадағалаўға ажыратылған максимал балл, сондай-ақ, ағымдағы ҳәм шегаралық баҳалаўлардың таңлаў баллары ҳаққындағы мағлыўматлар пән бойынша биринши сабақта талабаларға дағаза қылынады.
Пән бойынша талаблардиң билим ҳәм өзлестириў дәрежесиниң Мәмлекетлик тәлим стандартларына муўапықлығын тәмийинлеў ушын төмендеги қадағалаў түрлери өткериледи:
Күнделикли баҳалаў (КБ) – талабның пән темалары бойынша билим ҳәм әмелий көникпеси дәрежесин анықлаў ҳәм баҳалаў усылы. Күнделикли баҳалаў пәннен келип шыққан ҳалда әмелий ҳәм лабораториялық сабақларында аўызша сораў, өз бетинше жумыс, тест өткериў, сәўбетлесиў, қадағалаў жумысы, үй тапсырмаларын тексериў ҳәм усы усаған басқа формаларында өткерилиўи мүмкин;
Аралық баҳалаў (АБ) – семестр даўамында оқыў бағдарламасының тийисли (бир неше темаларды өз ишине алған) бөлими тамамланғаннан кейин талабаның теориялық билими ҳәм әмелий көникпеси дәрежесин анықлаў ҳәм баҳалаў усылы. Аралық баҳалаў бир семестрде еки мәрте өткериледи ҳәм формасы (жазба, аўызша, тест ҳәм басқа) пәнге ажыратылған улыўма саатлар көлеминен келип шыққан ҳалда белгиленеди;
Жуўмақлаўшы баҳалаў (ЖБ) – семестр жуўмағында пән бойынша теориялық билими ҳәм әмелий көникпелери талаблар тәрепинен өзлестирилиў дәрежесин баҳалаў усылы. Жуўмақлаўшы баҳалаў тийкарынан таяныш түсиниклер ҳәм ибараларға тийкарланған “Жазба жумысы” формасында өткериледи.
Аралық баҳалаў (АБ) өткериў процесси кафедра баслығы тәрепинен дүзилген комиссия қатнасында турақлы түрде үйренилип барылады ҳәм оны өткериў тәртиплери бузылған жағдайларда, АБ нәтийжелери бийкар етилиўи мүмкин. Бундай ҳалларда АБ қайта өткизиледи.
НМПИдың ректорының буйрығы менен ишки қадағалаў ҳәм мониторинг бөлиминиң басшылығында дүзилген комиссия қатнасында ЖБды өткизиў процессии турақлы түрде үйренилип барылады ҳәм оны өткериў тәртиплери бузылған ҳалларда, ЖБ нәтийжелери бийкар қылыныўы мүмкин. Бундай ҳалларда ЖБ қайта өткизиледи.
Талабаның билим көрсеткиши, көникпеси ҳәм алған билимин қадағалаўдың рейтинг системасы тийкарында талабның пән бойынша өзлестириў дәрежеси баллар арқалы көрсетиледи.
Кафедрада оқытылатуғын барлық пәнлер бойынша талаблардың семестр даўамында өзлестириў көрсеткиши «5» баҳасы системада баҳаланады.