Ózbekstan respublikasí joqarí HÁm orta arnawlí bilimlendiriw ministrligi nawayí MÁmleketlik kanshilik instituti

Baxıtsızlıq jaǵdaylarında birinshi járdem beriw sharaları
Laboratoriyada baxıtsızlıq jaǵdaylarda birinshi járdem kórsetiw ushın tómendegilerge ámel qıliw kerek:

1. Laboratoriyada aptechka bolıwı shárt, onıń qayda jaylasqanlıǵı hám onnan qanday paydalanıwdı studentler biliwi kerek;

2. Íssılıq tásirinde kúygen jayǵa tezde spirt yamasa kaliy permanganat eritpesi menen hóllengen paxta qóyıladı;

3. Kózge yamasa denenıń qandayda bir jayına kislota shashırasa, sol jerdi dáslep jaqsılap suw menen, keyininen sodanıń 3% li eritpesi menen juwıladı.

4. Sıltı shashıraǵanda dáslep suw menen, keyininen sirke kislotanıń 1% li eritpesi menen juwıladı;

5. Shıyshe kesgen jer dáslep shıyshe sınıqlarınan tazalanadı, keyininen yodtiń 3% li eritpesi surtiledi hám sterillengen bint penen baylanadı;

6. Gazler tásirinde záhárlengende tezde nashater spirtı iysketilip, ashıq hawaǵa alıp shıǵarıladı;

7. Fenol tásirinde kúygende záhárlengen jerin spirt menen súrtiw kerek;

8. Brom tásirinde kúygen jerdi spirt yamasa suyultirilǵan silti eritpesi menen juwıp, keyin taǵı spirt menen artıladı;

9. Brom iyisi menen záhárlengende spirt puwınan tereń dem alıp, sút ishkizip ashıq hawaǵa shıǵarıw kerek;

10. Eger suwda erimeytuǵın organikalıq zat terige tógilip kúydirse, kúygen jer sol zat eriytuǵın eritiwshi menen juwıladı.