Ózbekstan respublikasí joqarí HÁm orta arnawlí bilim ministrligi berdaq atíndaǵi qaraqalpaq mámleketlik universiteti

Jobanı dúziw ushın qoyılatuǵın talaplar:
1. Oqıwshılardıń dene tayarlıǵı sport sarayı hám maydanshalardıń barlıǵı úskeneler máwsim, hawa rayı esapqa alınıwı tiyis.
2. Oqıw wazıypası, oqıw materiallarının ótiw waqtı, shınıǵıwlardıń túrleri, onın izbe-izligi anıq kórsetiliwi tiyis.
3. Baǵdarlamada berilgen shınıǵıwlardı bir-biri menen baylanıstırıp (klaslar boyınsha) belgili nátiyjege erisiw aldın-ala uzaqqa jobalastırılıwı tiyis.
Tiykarǵı oqıw jobalarına tómendegi hújjetler kiredi:
a) Bir jılǵa dúzilgen oqıw jobası.
b) Hár oqıw sherekke dúzilgen joba.
v) Hár sabaq ushın dúzilgen is jobası.
Bir oqıw jılına dúziletin joba: Bul jobalastırıwdıń ulıwma hújjeti baǵdarlamada berilgen oqıw materiallarınıń mazmunı, sherek hám sabaq boyınsha izbe-izligi esapqa alınıp bólistiriledi, oqıw sapasın anıqlaw ushın tekseriw tapsırma ólshemleri hár sherek ushın belgilenedi. Úyreniletuǵın shınıǵıwlardıń qaytalanıw muǵdarı oqıwshılarǵa hár tárepleme tásir etiw jaǵdayın esapqa alıp anıqlanadı. Jobalastırıwdıń qolaylı túri-bul joba grafik bolıp esaplanadı. Bunda baǵdarlamada berilgen oqıw materialları, oqıw wazıypaları shınıǵıw túrleri, onın qaytalanıwı hár jıl máwsimlerine sáykeslestirilip hár sabaqqa hám sherekke bólistiriledi.
Bir sherekke dúziletuǵın oqıw jobası: bunda bir jıllıq joba-grafikke tiykarlanıp oqıw jumısı bir sherek ushın islenedi. Shereklik jobada oqıw tárbiya jumısının wazıypası, onı sheshiw usılları (quralları) belgilenedi.
Bir shereklik sabaqtıń jobası: Shereklik jobaǵa tiykarlanıp sabaqtıń mazmunı, wazıypası oqıtıwshı tárepinen belgilenedi. Sabaqtıń hár bóliminiń baǵdarı, wazıypası járdemshi shınıǵıwlar kórsetiledi.
Tematikalıq joba:-bul wazıypa boyınsha, onı sheshiw quralların, metodların anıqlap dúziledi. Oqıw wazıypasınıń izbe-izligi temaǵa sáykeslenip, kelesi temalarǵa baylanıslı shınıǵıwlardı úyreniwge baǵdarlanǵan bolıwı tiyis. Tematikalıq joba bir saatlıq is plannan ózgeshe boladı. Sebebi: tema bir neshe sabaq dawamında úyreniwdi talap etedi.