Ўзбекистрн республикаси

4. Эксергия усули
Эксергия усули – модданинг эксергияси бу унинг атроф мухит билан қайтар жараён мобайнида қобилиятли иссиқлик манбаи сифатида бажарган максимал иши бўлиб бу жараённинг якунида унда қатнашган материалларнинг барча турлари атроф компонентлари билан термодинамик мувозанат холатга ўтади. Бу усул термодинамик тахлилнинг унверсал усули бўлиб, бу усулга биноан барча реал жараёнлар қайтмас бўлади, қайтмаслик жараённинг мукаммаллигини пасайтиради.
Бу энергиянинг йўқолиши хисобига эмас балки унинг сифатини камайиши хисобига рўй беради.
Эксергия 2 турга бўлинади.
1.Энтропия билан тарифланмайдиган энергия турининг эксергияси (механик, электр энергяси ва бошқалар)
А=Е
2. Энтропия билан тарифланадиган энергиялар эксергияси.
Уларга ички энергия, нурланиш энергияси,термомеханик энергия ва ядро энергияси киради.
5. Эксергетик баланслар ва эксергетик ФИК
ЭКТТ ларни ўрганишда моддий ва иссиқлик балансларидан сўнг эксергетик баланс тузилади.
Эксергетик баланс ЭКТТда қайтмаслик оқибатида юз берган йўқотишларни кўзда тутиб, тизимнинг эксергетик ФИК 1 га тенг бўлган идеал тизимга қай даражада яқин эканлигини аниқлайди.
Оғирлиги m кг бўлган модда учун вақт бирлиги ичида ЭКТТ нинг энергетик баланси;
Σ E_1,i = Σ E_2,.i + Σ A_i + Σ ∆E_i
Σ ∆ E_i = Σ E_1,i – (Σ E_2,i + Σ A_i)
Бу ерда; Σ E_1,i ва Σ E_2,i – ЭКТТ га киритилган ва ундан чиқган барча энергияларнинг йиғиндиси.
Σ A_i – ЭКТТ да бажарилган ишлар йиғиндиси.
Σ ∆ E_i – ЭКТТ да эксергия йўқотишларининг йиғиндиси. Очиқ тизимларда; Е_v = 0.

ЭКТТ ларнинг мукаммаллигини эксергетик ФИК белгилайди

η_е = (Σ E_2,i + Σ A_i ) / Σ E_1,i = Σ E_1,i – Σ ∆E_i / Σ E_1,i
Агарда ЭКТТ қайтмасликдан йўқотишлар, яъни эксергиянинг йўқолиши кузатилмаса, яъни Σ ∆E_i = 0 бўлса у холда η_е = 1 бўлади.
Иборалар
ЭКТТ – бу энергетик жихозлари, кимё-техналогик жихозлар билан узвий боғланган холда фаолият кўрсатадиган тизим.
Эксергия – қайтмас жараён мобайнида модданинг атроф мухит билан қобилиятли иссиқлик манбаи сифатида бажарган максимал иши.
Эксергетик унумдорлик – барча турдаги эксергиянинг йиғиндисидир.
Эксергетик қувват – эксергия йиғиндисининг вақтга нисбати
Эксергетик баланс – тизимнинг эксергетик ФИК 1 га тенг бўлган идеал холатга қай даражада яқинлигини ифодалаб берувчи кўрсаткич.
Эксергетик тахлил – тизимдаги ишлаб чиқариш жараёнида бўладиган энергия сарфларини қандай қилиб қисқартириш имкониятини қидириш мақсадида олиб бориладиган тахлилдир.