Ўзбекистоннинг энг янги тарихи

1989-1991 йилларни қамраб олган босқич. Бу босқич янги генерацияга 
мансуб раҳбарлардан бири Ислом Каримовнинг Республика раҳбари 
лавозимига келиши, Ўзбекистонда мустақиллик ғояларининг пишиб 
етилиши, давлат мустақиллиги тарихий тасодиф таъсирида эмас, балки 
республикада юзага келган зиддиятли ва мураккаб вазиятдан чиқиш йўл-
йўриқларини қидириш ҳамда собиқ Иттифоқ раҳбариятининг Ўзбекистон 
етакчиси Ислом Каримов сиёсатига қарши қаратилган фитналарининг 
олдини олиш билан характерланади. Мазкур йилларнинг алоҳида давр 
сифатида 
эътироф 
этилишида 
Президентимизнинг 
“Ўзбекистон 
мустақилликка эришиш остонасида” асаридаги хронологик ёндашув ҳам 
ушбу даврнинг концептуал асоси ҳисобланади. 
Кейинги босқич ўз ичига 1991 йилдан 2000 йилга қадар бўлган даврни ўз 
ичига олади. Бу даврда миллий давлатчилик асослари ва ижтимоий 
йўналтирилган бозор иқтисодиётини юзага келтиришга қаратилган ўтиш 
даврининг дастлабки ислоҳотлар жараёнига илк қадамлар қўйилди. 
Илгари бир неча авлод даврида шаклланиб келган ва одамлар онгига сингиб 
кетган коммунистик мафкура ақидасидан воз кечилиб, Президент Ислом 
Каримов томонидан илгари сурилган миллий истиқлол ғоясининг асослари 
шаклланди. Бунинг таъсирида сиёсий ҳаётда демократик қадриятларни 
мустаҳ-камлаш йўллари очилди, мамлакатни жаҳон ҳамжамиятига 
интеграциясиз тасаввур қила олмайдиган янги авлод вакиллари кириб кела 
бошлади. Бу эса мамлакатда туб сиёсий, иқтисодий, маънавий-руҳий 
ўзгаришларнинг босқичма-басқич ўсиб боришига хизмат қилди. 
“Шок терапияси” номини олган ўтиш моделидан мутлақо фарқ қилувчи 
“ўзбек модели”нинг ҳаётга жорий этилиши натижасида тарихан қисқа давр 
ичида маъмурий-буйруқбозликка асосланган эски совет тизими ўрнига 
миллий давлатчилик асосларини юзага келтиришга қаратилган ҳуқуқий база 
яратилди. Демократик анъаналар асосида янги давлат бошқарув тизими – 
қонун чиқарувчи, ижро этувчи ва суд ҳокимияти ташкил этилди ҳамда 
фуқаролик жамияти асослари яратилди, эркин бозор иқтисодиётига ўтила 
бошланди. Бу даврда мамлакат мустақиллигини мустаҳкамлаш билан бир 
қаторда, миллий урф-одатлар, анъана ва қадриятларни сақлаш ҳамда 
тараққий эттириш масалалари давлат сиёсати даражасига кўтарилди.