Ўзбекистонда кичик бизнес ва хусусий тадбиркорлик фаолиятининг давлат томонидан тартибга солиниши

Кичик бизнес ва хусусий тадбиркорликка давлат аралашувининг зарурлигини келтириб чиқарувчи сабаблар:

• 1. Бозорни ташқи омилларини компенсациялашнинг, бартараф қилишнинг ёки салбий таъсирларига йўл қўймасликнинг зарурлиги;
• 2. Ҳар қайси мамлакат давлатнинг ўзи кафил ва ҳимоячи ҳисобланадиган олий миллий-давлат манфаатларига эга бўлади, яъни шундай масалалар мажмуи мавжуд бўладики, уни фақат давлат ҳал этади ва бошқа ҳеч ким;
• 3. Давлат томонидан тартибга солишнинг зарурлиги иқтисодиёт ривожига таъсир этувчи ижтимоий муаммоларни ҳал этиш вазифалари билан белгиланади. Давлат энг кам ойлик иш ҳақи миқдорини, иш вақти давомийлигини, кафолатланган таътилни ўрнатади. У меҳнат ва капитал ўртасидаги муносабатларни тартибга солади, ижтимоий харажатлар йўналишларини белгилайди, ишсизлик нафақаларини ўрнатади, турли пенсия тўловларини ва бошқа нафақаларни амалга оширади;
• 4. Иқтисодиётни етарлича пул маблағи билан таъминлашни фақат давлат уддалай олади;
• 5. Иқтисодий тизимни янада ривожлантириш йўналишларини танлашда давлат катта роль ўйнаши керак.

• 2. Бизнес ва тадбиркорликни қўллаб-қувватлашда
• давлатнинг микроиқтисодий сиёсати

Кичик бизнесни давлат томонидан тартибга солишнинг умумий стратегияси қуйидаги тамойилларга асосланади:

• ҳар қандай тенг шароитларда иқтисодиётни бозор тузилмаларига устуворликни қаратиш лозим. Амалиётда бу давлат фақат хусусий бизнесни (фойдалиликнинг камлиги туфайли) жалб қилмайдиган ижтимоий аҳамиятдаги соҳаларни молиялаштириши зарурлигини ифодалайди;
• давлат тадбиркорлиги хусусий бизнес билан рақобат қилмаслиги, аксинча унинг ривожланишига кўмаклашиши керак. Бу тамойилга амал қилмаслик давлат корхоналарини хусусийлар устидан сунъий устунлигига олиб келади;
• давлатнинг молия, кредит ва солиқ сиёсати иқтисодий ўсишга ва ижтимоий барқарорликка кўмаклашиши зарур;
• бозор жараёнларига давлатнинг аралашуви, агар у бозор кўринишига эга бўлса, алақанча самарали бўлади;
• давлат томонидан тартибга солишнинг кучайтирилиши умумхўжалик, шунингдек давлатлараро иқтисодий муносабатлар соҳасидаги инқирозларни назорат қилиш мақсадида амалга оширилади.