Ўзбекистонда адвокатура: жорий ҳолати ва ривожланиш истиқболлари

Адвокат жисмоний ва юридик шахсларга қуйидагича юридик ёрдам кўрсатади

• ҳуқуқий масалалар бўйича маслаҳатлар ва тушунтиришлар, қонун ҳужжатлари юзасидан оғзаки ва ёзма маълумотномалар беради;
• ҳуқуқий хусусиятдаги аризалар, шикоятлар ва бошқа ҳужжатларни тузади;
• фуқаролик, иқтисодий ва маъмурий ишлар ҳамда маъмурий ҳуқуқбузарлик тўғрисидаги ишлар бўйича судда, бошқа давлат органларида, жисмоний ва юридик шахслар олдида вакилликни амалга оширади;
• жиноят ишлари бўйича суриштирув, дастлабки тергов босқичида ва судда ҳимоячи, жабрланувчининг вакили, фуқаровий даъвогар, фуқаровий жавобгар сифатида иштирок этади;
• тадбиркорлик фаолиятига юридик хизмат кўрсатади;
• ҳакамлик судида ва халқаро тижорат арбитражида (судида) вакилликни амалга оширади;
• қонун ҳужжатларида ман этилмаган бошқа турдаги юридик ёрдам кўрсатишни ҳам амалга оширади.

Жиноят процессида адвокат иштироки қуйидаги кўринишда амалга оширилади:

АДВОКАТ
гумон қилинувчи, айбланувчи ва судланувчининг ҲИМОЯЧИСИ
жабрланувчи, фуқаровий даъвогар ва фуқаровий жавобгарнинг ВАКИЛИ
гувоҳнинг АДВОКАТИ
ҲИМОЯЧИнинг ишда иштирок этишига жиноят процессининг ҳар қандай босқичида, шахс ушланганида эса унинг ҳаракатланиш эркинлигига бўлган ҳуқуқи амалда чекланган пайтдан бошлаб рухсат этилади. Ҳимоячи гумон қилинувчи, айбланувчи, судланувчи, уларнинг қонуний вакиллари, шунингдек гумон қилинувчининг, айбланувчининг, судланувчининг илтимоси ёки розилиги билан бошқа шахслар томонидан таклиф этилади.
Гумон қилинувчининг, айбланувчининг, судланувчининг илтимосига кўра суриштирувчи, терговчи, прокурор ёки суд ишда ҳимоячининг иштирок этишини таъминлайди.
Жабрланувчининг, фуқаровий даъвогарнинг, фуқаровий жавобгарнинг ВАКИЛИ тариқасида адвокат ишда иштирок этиши учун унинг жабрланувчи, фуқаровий даъвогар ёки фуқаровий жавобгар билан тузган топшириқ шартномаси асос бўлади.
Гувоҳнинг АДВОКАТИ сифатида адвокатнинг ишда иштирок этишига у адвокатлик гувоҳномасини кўрсатганидан ва ордерни тақдим этганидан сўнг, гувоҳ чақирилган пайтдан эътиборан қўйилади.