Ўзбекистон темир йўллари

IKKI YO’LLIK UCHASTKALARDAGI POYEZDLAR HARAKATIDA TELEFONOGRAMMALAR SHAKLI
Ikki yo’llik peregonlarda poyezdlar qabul qilinganda va jo’natilganda telefonogrammalar 3 va 4-shakllarda jo’natiladi, bunda qabul qilish stansiyasidan 4-shakl bo’yicha olingan xabar shu yo’nalishda keyingi poyezdni jo’natishga xuquq beradi. Poyezdlar suruvchi lokomotivlar bilan harakatlanganda 3 va 4-shakllarga bunday holatlar uchun ushbu yo’riqnomada ko’rsatilgan bo’ladi.
Poyezd xabar uzatish stansiyasidan to’xtamasdan o’tganda, uning kelishi va jo’nashi to’g’risida qo’shni stansiyalarga 11-shakl bo’yicha xabar yuboriladi.

Ikki yo’llik peregondagi yo’l postlari mavjud bo’lsa, jo’natish stansiyasining navbatchisi poyezd jo’natilganligi xaqida post navbatchisini 3-shakl buyicha ogohlantiradi.

Post navbatchisi postlararo keyingi peregon poyezdlardan bo’sh bo’lsa, kirish signalini ochib, mashinistga yo’l xati (qog’ozi)ni harakat vaqtida taqdim etgan holda poyezdni to’xtatmasdan o’tkazib yuboradi.
Poyezd o’tgandn co’ng post navbatchisi kirish signalini yopadi va ikkala qo’shni stansiya navbatchilari poyezd o’tgani to’g’risida 11-shakl bo’yicha xabar yetkazadi.
Oldindagi postlararo peregon band bo’lganda, kelayotgan poyezd yopiq kirish svetofori oldida peregon bo’shaguncha to’xtatiladi. Ushbu poyezd jo’natilganligi to’g’risidagi telefonogramma orqadagi stansiyaga, u postdan jo’natilgandan so’nggina uzatiladi.
Poyezd kelganligi to’g’risida kelish stansiyasining navbatchisi post navbatchisiga 4-shakl bo’yicha xabar beradi.
Yo’l postidagi kirish signalining nosozligida oldindagi peregon bo’sh bo’lganda, post navbatchisi poyezdni bevosita kirish signali oldida kutib oladi va harakatni davom ettirish xuquqini beruvchi yo’l xati (qog’ozi)ni mashinistga taqdim etadi. Yo’l xati (qog’ozi)ning tepasida «Kirish signali nosoz" degan belgi qo’yiladi.
Poyezd ortiga qaytadigan bo’lib to’g’ri yo’ldan jo’natilganda jo’natish stansiyasining navbatchisi qo’shni stansiya (yo’l posti) ga «___ km dan ortiga qaytadigan bo’lib» so’zlari qo’shilgan 3-shakldagi telefonogramma bilan xabar yetkazadi, poyezdning qaytishi to’g’risida esa qo’shni stansiya (yo’l posti) ga 7-shakl bo’yicha xabar qilinadi.
Jo’natilayotgan poyezd mashinistiga matni «____ km dan ortiga qaytadigan bo’lib" so’zlari bilan to’ldirilgan yo’l xati (qog’ozi) taqdim etiladi.
Jo’natilgan stansiyaga qaytayotgan poyezdlar peregonda yo’l postlari mavjud bo’lsa ularni to’xtamasdan bosib o’tadilar. Qaytayotgan poyezd o’tgani to’g’risida ham post navbatchisi oldindagi post yoki stansiyaga 7-shakl bo’yicha xabar beradi.
Stansiyalararo peregoning alohida punkti bo’lgan postda tutashuv mavjud bo’lsa, poyezdlar to’g’ri yo’l bo’ylab stansiyadan tutashuvga va tutashuvdan stansiyaga odatdagi tartibda jo’natiladi. Poyezd jo’natilganligi to’g’risida stansiya yoki post navbatchisi 3-shakl bo’yicha, kelganligi to’g’risida 4-shakl bo’yicha telefonogramma uzatadi.
Tutashuvga yordamchi post xizmat ko’rsatsa, u faqat tutashuvga borayotgan yoki tutashuvdan qaytayotgan poyezdlar harakati to’g’risidagi so’zlashuvlarda ishtirok etadi. Poyezd tutashuvga jo’natilgani to’g’risida qo’shni stansiya va postga 3-shakl buyicha «___ km dagi postga» so’zlarini qo’shib xabar qilinadi.
Tutashuv strelkasi normal holatga o’tkazilgandan so’ng poyezd kelganligi to’g’risida post navbatchisi ikkala stansiya navbatchilariga 4-shakl bo’yicha xabar yetkazadi. Yordamchi post xizmat ko’rsatadigan tutashuvdan qo’shni stansiyalardan biriga poyezd belgilangan tartibda jo’natiladi.
Poyezd regulirovka tartibida (poyezd dispetcherining buyrug’i olingandan so’ng) noto’g’ri yo’ldan jo’natilganda stansiyalar o’rtasida quyidagi shakldagi telefonogrammalar bilan almashinadi: