«Ўзбекистон темир йўллари» датк

6.2. Po’lattemirbetonli oraliq qurilmalarning hisobi


Po’lattemirbetonli oraliq qurilmalaning hisoblash tamoyillari. Po’lattemirbeton to’sinlar konstruksiyalarning statik sxemasiga va montaj qilish ketma-ketligida yuk va ta’sirlarning tegishli koeffitsiyentlari bilan eng noqulay uyg’unlashuviga mos ravishda hisoblanadi.
Тemirbeton plita ko’prikning ko’ndalang o’qi bo’ylab chidamlilik va yoriqbardoshlikka temirbeton oraliq qurilmalar ballast korita plitasi kabi hisoblanadi.
Po’lattemirbeton to’sinlar qoidaga muvofiq quyidagi tartibda montaj qilinadi: oldin ko’prik tayanchlariga po’lat to’sinlar o’rnatiladi, keyin uning ustiga monolit yoki yig’ma temirbeton plita va ko’prik ko’tarmasini quriladi. Shuning uchun po’lattemirbeton to’sinlarning yuk ostidagi ishi quyidagi ikki bosqichdan iborat bo’ladi:
birinchi – po’lat to’sin va temirbeton plita vaznidan sodir bo’lgan yukni faqat po’lat to’sin qabul qiladi;
ikkinchi – ko’prik ko’tarmasi vaznidan sodir bo’lgan doimiy yuk va harakatlanuvchi tarkibdan sodir bo’lgan muvaqqat yuklarni birgalikda ishlaydigan po’lat to’sin va temirbeton plitadan tashkil topgan birlashgan kesim qabul qiladi.