Ўзбекистон ресубликаси олий ва ўрта махсус таълим вазирлиги

8. Аниқ ўқув мақсадлари.
Мавзулар бўйича аниқ ўқув мақсадлари мазмуни ўз навбатида умумий мақсадлардан келиб чиқади. Аниқ ўқув мақсадлар аниқ ифода этилганлиги туфайли таълим жараёнида муҳим ўрин тутади. Аниқ ўқув мақсадлари бир мавзуга оид назарий ва амалий машғулот ёки мустақил ишлар бўйича ўлчаниши мумкин бўлган аниқ якуний билим, кўникма, малака ҳамда хулқни ифодалайди. Аниқ ўқув мақсадлари одатда таълим муассасалари ўқитувчилари томонидан ишлаб чиқилади. Қуйида «Кийимни моделлаштириш ва бадиий безак» фанининг «Аёллар кийими моделларини яратиш» мавзусининг ўқув мақсадини белгиланишини келтирилган. Биз ушбу фаннинг барча назарий ва амалий машғулотлари ҳамда мустақил ишлар бўйича ўқув мақсадларни ишлаб чиқдик.
Мавзу: Аёллар кийими моделларини яратиш (6 соат).
Ўқув мақсадлари:
Таълимий:Талабаларда аёллар классик юбкасини моделлаштириш, андоза тайёрлаш ва бичиш бўйича билим ҳамда кўникмаларни шакллантириш;
Тарбиявий:Талабаларнинг якка ҳолда ва кичик гуруҳларда ишлаш қоби-лиятини шакллантириш, касбга бўлган қизиқишларини орттириш;
Ривожлантирувчи:Талабаларнинг мустақил ва ижодий фикрлаш қобилиятларини ривожлантириш.
Машғулот давомида ўзлаштириладиган амалий кўникмалар:

• 
  аёллар юбкаси турли вариантларига ташқи кўринишига қараб техник тавсиф бериш ва ажратиш;
  
• 
  турли моделдаги аёллар юбкасининг асос конструкцияси бўйича техник моделлаштириш;
  
• 
  юбка андозалари контурларини чизиш;
  
• 
  юбка андозасини қирқиш ва уни расмийлаштириш, газламага жой-лаштириш ҳамда бичиш.
  

Машғулот давомида шаклланадиган назарий билимлар:

• 
  аёллар юбкаси конструкциясини қуриш усуллари;
  
• 
  юбкани моделлаштириш усуллари;
  
• 
  юбка андозасини тайёрлаш усуллари;
  
• 
  юбка андозаларини расмийлаштиришга қўйилган талаблар;
  
• 
  юбкани бичиш техник шартлари.