Ўзбекистон респуликаси олий ва ўрта махсус таълим вазирлиги термиз давлат университети

II- БОБ. ТАДҚИҚОТНИНГ ВАЗИФАЛАРИ, УСЛУБЛАРИ ВА
ТАШКИЛ эТИЛИШИ


2.1. Тадқиқот вазифалари
1. Жисмоний тайёргарликни баҳолашда махсус тест синовларни ўрганиб чиқиш.
2. Дастлабки тайёрлов даврида жисмоний қобилиятларни ёш футболчилар
томонидан бажаришларни текшириш.
3. Машғулотларда ёш футболчиларнинг тезкор-куч сифатларини
тарбиялашдаги машқлар ва мураббий кўрсатмалари тахлили.


2.2. Тадқиқот услублари
Битирув ишда вазифаларни амалга оширишда қуйидаги услублардан
фойдаланилади:
1. Илмий адабиётлар тахлили.
2. Экспримент илмий тадқиқот услуби (табиий ва модулли)
3. Педагогик кузатишлар.
4. Анкета сўровномалар.
5. Математик статистик услублари.
Илмий адабиётларни тахлили
Футболчиларни маҳорат даражасини ошириш тўғридан – тўғри болаларни илк
ёшлик чоғидан бошлаб футбол ўйинига режа ва малакали равишда оммавий
ўргатишга боғлиқ. Фақат ёш футболчи организми системаларнинг ёшига қараб ривожланиш қонуниятларни ҳисобга олган ҳолда ўйин сирларни ўргатиш ва тренировка қилдиришнинг энг самарали методикасини қўлланиш натижасидагина юқори маҳоратли футболчилар тайёрлаш вазифасини тўлиқ ҳал этиш мумкин.
Футбол мутахассислари ёш футболчиларда жисмоний тайёргарлик тўртта масалани: соғлиқни мустаҳкамлаш, жисмоний камолат даражасини ошириш, организм функтсионал имкониятларни кўпайтириш жисмоний қобилиятларни тарбиялашни хал қилиш кераклигини таъкидлашади.

Йиллик машғулот тсиклида аввал умумий жисмоний тайёргарлик, кейин шу асосда махсус жисмоний тайёргарлик кўриш тавсия этилган. Ёш футболчининг умумий ва махсус жисмоний тайёргарлигида куч, тезкорлик, чидамлилик, чаққонлик, эгилувчанлик асосий ўрин тутади. Айни шу жисмоний фазилатлар футболчининг ҳаракат имкониятлари даражасини ифодалайди.

Модулли эксперимент
Модулли экспримент методидан ҳаётда учрайдиган оддий шароитдан бир оз ўзгарган муҳитда тажриба ўтказилди. Ёш футболчиларнинг оёқ мускул кучини ўстиришда иш олиб борилди. Улар ҳафтада уч марта, гурух-гурухларга бўлиниб, биринчи гурухи унча оғир бўлмаган штангада ўтириб туриш машқини, иккинчи гурухи ўз танаси оғирлигидан фойдаланиб ўтирган ҳолатдада белгиланган масофага сакраб бориш , учинчи гурухи эса тренажорлар орқали маълум муддат машқ бажарди. Ҳар қайси гурухнинг модули алохида (штанга, гавдаси оғирлиги, тренажор) машқлар фақат оёқмускулларининг кучини орттиришга йўналтирилган. Белгиланган муддатдан сўнг натижалар таққосланиб самара берган модул ва унинг машқлари, услубияти эълон қилинди.