Ўзбекистон Республикасининг «Ҳуқуқбузарликлар профилактикаси тўғрисида»

Ҳуқуқбузарликларнинг умумий тартибдаги профилактикасининг шакллари.
Юқорида таъкидланганидек, ҳуқуқбузарликларнинг умумий тартибдаги профилактикасида профилактиканинг оғзаки, ёзма, кўргазмали ва амалий ёрдам бериш кабилардан иборат барча шаклларидан унумли фойдаланилади ва айнан улар орқали профилактиканинг самарадорлиги таъминланади.
Хуллас, ҳуқуқбузарликларнинг умумий тартибдаги профилактикаси ўз мақсади, объекти ва субъектларига, ўзига хос хусусиятлари ва авзалликларига, шунингдек профилактиканинг усул ва шаклларидан фойдаланишда индивидуалликка эга. Бу ҳақда билмаслик, ҳуқуқбузарликларнинг умумий тартибдаги профилактикаси самарадорлигига путур етказади.


23-модда. Ҳуқуқбузарликларнинг умумий профилактикаси чора-тадбирлари
Ҳуқуқбузарликларнинг умумий профилактикаси чора-тадбирлари қуйидагилардан иборат:
ҳуқуқбузарликлар профилактикасига доир давлат дастурларини ва бошқа дастурларни ишлаб чиқиш ҳамда амалга ошириш;
аҳоли ўртасидаги ҳуқуқий тарғибот;
ҳуқуқбузарликларнинг содир этилиши сабабларини ва уларга имкон бераётган шарт-шароитларни аниқлаш, бартараф этиш ҳамда ҳуқуқбузарликларнинг содир этилиши сабабларини ва уларга имкон бераётган шарт-шароитларни бартараф этиш тўғрисида тақдимномалар киритиш.
Ҳуқуқбузарликларнинг умумий профилактикаси қонун ҳужжатларига мувофиқ бошқа чора-тадбирларни ҳам ўз ичига олиши мумкин.

Ш А Р Ҳ

1. Ҳуқуқбузарликларнинг умумий профилактикаси тасдиқланган дастур, режа ва жадваллар асосида, шунингдек соҳавий хизматларнинг ҳамда ҳуқуқбузарликлар профилактикасини бевосита амалга оширувчи бошқа орган ва муассасалар ҳамда фуқароларнинг ўзини ўзи бошқариш органлари ва нодавлат нотижорат ташкилотлар билан ўзаро келишув асосида амалга оширилади.

Ҳуқуқбузарликларнинг умумий профилактик чора-тадбирларини ташкиллаштириш ва ўтказиш жараёнига ҳуқуқбузарликлар профилактикасини бевосита амалга оширувчи ёки иштирок этувчи орган ва муассасалар бир-бирларини ўзаро жалб этишлари мумкин.
«Ҳуқуқбузарликлар профилактикаси тўғрисида»ги қонун талабларига кўра ҳуқуқбузарликларнинг уму­мий профилактикаси чора-тадбирлари қуйидагиларни ўз ичига олади: