Ўзбекистон Республикасининг Қонунига тақҚослаш жадвали

415-модда. Солиқ ставкалари (биринчи қисм) Солиқ ставкаси, агар ушбу моддада бошқача қоида назарда тутилмаган бўлса, 1,5 фоиз миқдорида белгиланади. (иккинчи қисм) Агар ушбу модданинг учинчи қисмида бошқача қоида назарда тутилмаган бўлса, қурилиши норматив муддатда тугалланмаган объектларга нисбатан солиқ ставкаси 3 фоиз миқдорида белгиланади. ... (тўртинчи қисм) Солиқ ставкаси қуйидагиларга нисбатан 0,5 фоиз миқдорида белгиланади: 1) умумий фойдаланишдаги темир йўллар, магистраль қувурлар, алоқа ва электр узатиш линиялари, шунингдек мазкур объектларнинг ажралмас технологик қисми бўлган иншоотлар; 2) консервация қилиниши тўғрисида Ўзбекистон Республикаси Вазирлар Маҳкамасининг қарори қабул қилинган кўчмас мулк ва тугалланмаган қурилиш объектлари. ...

Солиқ ставкасининг 2 фоиздан 1,5 фоизга туширилиши тадбиркорлик субъектлари учун солиқ юкини камайтириш, шунингдек, Ўзбекистон Республикасига инвестициялар жалб этилишини таъминлайди. Юридик шахсларнинг мол-мулкига солинадиган солиқ ставкаси 2 фоиздан 1,5 фоизгача камайтирилиши муносабати билан норматив муддатда тугалланмаган қурилиш объектлари учун солиқ ставкасини 4 фоиздан 3 фоизгача камайтириш ҳам кўзда тутилган, чунки ушбу турдаги объектлар учун солиқ ставкаси юридик шахслар учун белгиланган мол-мулк солиғи ставкасидан икки баробар қилиб белгиланган. Солиқ ставкасини босқичма-босқич уни базавий солиқ ставкасига олиб келиш мақсадида, Солиқ кодексининг 415‑моддасида назарда тутилган объектларга нисбатан камайтирилган солиқ ставкасини 0,1 фоиз пунктга ошириш назарда тутилмоқда

421-модда. Солиқ имтиёзлари Қуйидагиларнинг мулкида бўлган мол-мулк солиқ солишдан озод этилади: ... 4) энергия ресурсларининг амалдаги тармоқларидан тўлиқ узиб қўйилган турар жойларда қайта тикланадиган энергия манбаларидан фойдаланувчи шахслар қайта тикланадиган энергия манбалари ўрнатилган ойдан эътиборан уч йил муддатга. Мазкур имтиёз энергия ресурсларининг амалдаги тармоқларидан тўлиқ узиб қўйилган ҳолда қайта тикланадиган энергия манбаларидан фойдаланиш тўғрисида энергия таъминоти ташкилотлари томонидан берилган маълумотнома асосида тақдим этилади.