Ўзбекистон Республикасининг Қонунига тақҚослаш жадвали

412-модда. Солиқ базаси (биринчи қисм) Қуйидагилар солиқ базасидир: 1) ушбу Кодекс 411-моддаси иккинчи қисмининг 1 ва 3-бандларида назарда тутилган объектлар бўйича - ўртача йиллик қолдиқ қиймати. Кўчмас мулкнинг қолдиқ қиймати ушбу мол-мулкнинг бошланғич (тикланиш) қиймати билан солиқ тўловчининг ҳисоб сиёсатида белгиланган усуллардан фойдаланилган ҳолда ҳисоблаб чиқилган амортизация миқдори ўртасидаги фарқ сифатида аниқланади. Бунда тўлиқ амортизация қилинган бино бўйича унинг уч йилда камида бир марта аниқланадиган қайта баҳоланган (бозор) қиймати солиқ базасидир; Тўлдирилмоқда ...	412-модда. Солиқ базаси (биринчи қисм) Қуйидагилар солиқ базасидир: 1) ушбу Кодекс 411-моддаси иккинчи қисмининг 1 ва 3-бандларида назарда тутилган объектлар бўйича - ўртача йиллик қолдиқ қиймати. Кўчмас мулкнинг қолдиқ қиймати ушбу мол-мулкнинг бошланғич (тикланиш) қиймати билан солиқ тўловчининг ҳисоб сиёсатида белгиланган усуллардан фойдаланилган ҳолда ҳисоблаб чиқилган амортизация миқдори ўртасидаги фарқ сифатида аниқланади. Солиқни ҳисоблаб чиқариш мақсадида ушбу Кодекс 411-моддаси иккинчи қисмининг 1-бандида назарда тутилган объектларга нисбатан солиқ базаси қуйидаги миқдорларда 1 кв. метр учун мутлақ миқдорда белгиланган энг кам қийматдан паст бўлиши мумкин эмас: Тошкент шаҳрида – икки миллион беш юз минг сўм; Нукус шаҳрида ва вилоят марказларида – бир миллион беш юз минг сўм; бошқа шаҳарларда ва қишлоқ жойларда – бир миллион сўм; қуйидаги мазмундаги тўртинчи ва бешинчи хатбошилар билан тўлдирилсин: «Қорақалпоғистон Республикаси Жўқорғи Кенгеси ва халқ депутатлари вилоятлар Кенгашлари ушбу бандда белгиланган энг кам қийматга туманларнинг иқтисодий ривожланишига қараб 0,5 гача бўлган камайтирувчи коэффициент киритиши мумкин. Агар объектнинг 1 кв. метри қиймати ушбу бандда белгиланган энг кам қийматдан паст бўлса, солиқ тўловчи кўчмас мулк объектлари қийматини мустақил баҳолашни амалга оширишга ҳақли. Бунда мустақил баҳолаш натижалари солиқ базаси сифатида эътироф этилади.
Бюджетга солиқ тушумларининг тўлиқлигини таъминлаш, маҳаллий бюджетларнинг даромад базасини ошириш, шунингдек, солиқ маъмурчилигини соддалаштириш мақсадида биноларга мол-мулк солиғини ҳисоблаш учун минимал қиймат белгилаш назарда тутилмоқда. Шу билан бирга солиқ тўловчиларга кўчмас мулк объектларига мустақил баҳо бериш ҳуқуқи берилади ва ушбу мол-мулкнинг натижавий (бозор) қиймати солиқни ҳисоблаш учун солиқ солинадиган база бўлади. Бундан ташқари, ушбу меъёр кўчмас мулк объектларининг бозор қийматидан келиб чиққан ҳолда мол-мулк солиғи ҳисоб-китобини жорий этишнинг ўтиш чорасидир.