Ўзбекистон Республикасининг Қонунига тақҚослаш жадвали

19^1) солиқ тўловчининг уй-жойларни талабаларга ижарага беришдан олинган даромадлари; 20) фуқароларнинг ўзини ўзи бошқариш органлари, касаба уюшмалари, хайрия ва экология жамғармалари томонидан солиқ тўловчиларга бериладиган нафақалар, шунингдек пул маблағлари тарзидаги ёрдамнинг бошқа турлари, бироқ солиқ даври мобайнида ўн беш миллион сўмдан ошмаган ҳолда. 21) солиқ тўловчининг солиқ даври давомида қуйидагиларни тўлаш учун йўналтириладиган, базавий ҳисоблаш миқдорининг саккиз бараваригача бўлган миқдордаги иш ҳақи суммалари ва бошқа даромадлари: халқаро ташкилотларга аъзолик бадалларини, тегишли халқаро ташкилот аъзоси сифатида бундай бадалларнинг тўланганлиги тўғрисида ҳужжат мавжуд бўлганда; қайта тайёрлаш ва малака ошириш учун нодавлат таълим ташкилотларига тўловларни, курсни тугатганлик тўғрисида шундай ташкилотлар томонидан берилган ҳужжат мавжуд бўлганда.

Ушбу қўшимча Ўзбекистон Республикаси Президентининг 2021 йил 13 июлдаги “Ёшларни ҳар томонлама қўллаб-қувватлаш ва уларнинг ижтимоий фаоллигини янада оширишга оид қўшимча чора-тадбирлар тўғрисида”ги ПФ-6260-сон Фармонининг 4-бандида “ёш оила томонидан олинган ипотека кредитларини ва улар бўйича ҳисобланган фоизларни эр-хотин ёки улардан бирининг ёши белгиланган ёшдан ошгунига қадар ҳар бир солиқ даври давомида тегишли миқдорда қоплашга йўналтирилган иш ҳақи ва бошқа даромадлари жисмоний шахслардан олинадиган даромад солиғидан озод қилиниши” назарда тутилган. Талабаларни ўз уйларига ижарага жойлаштирувчи шахсларга ижара тўловларидан олган даромадаларини жисмоний шахслардан олинадиган даромад солиғидан озод этиш орқали талабаларни арзон ижара уйлари билан таминлаш мақсадида Вазирлар Маҳкамасининг “Республика олий таълим муассасаларида талабаларни турар жой билан қамраб олиш даражасини ошириш чора-тадбирлари тўғрисида” 2021 йил 9 сентябрдаги 563-сон қарори 9-бандига мувофиқ таклиф этилмоқда. 2021 йил 1 сентябрь ҳолатига 12,4 мингта ҳолатда талабалар билан ижара шартномаси тузилган бўлиб, дастлабки ҳисоб-китобларга кўра талабаларга уй-жойларни ижарага берувчи жисмоний шахслар ихтиёрида 10 млрд сўмдан ортиқ маблағлар қолади ва бу ўз навбатида ижара тўловларининг арзонлашишига замин яратади.