Ўзбекистон Республикасининг Қонунига тақҚослаш жадвали

305-модда. Умумий қоидалар … (ўн биринчи қисм) Бухгалтерия ҳисоби тўғрисидаги қонунчилик талабларига мувофиқ, узоқ муддатли активларнинг дастлабки қийматига ва захираларнинг таннархига киритиладиган харажатлар амортизация ажратмалари воситасида ва бундай захираларнинг таннархи орқали чегирмалар жумласига киритилиши лозим. (ўн иккинчи қисм) Ушбу Кодекс 306-моддасининг иккинчи қисмига мувофиқ ёки бухгалтерия ҳисоби тўғрисидаги қонунчилик талабларига мувофиқ амортизация ажратмалари ҳисобланмайдиган узоқ муддатли активларнинг қиймати мазкур активлар ушбу Кодекснинг 298-моддасида назарда тутилган тартибда чиқиб кетаётганда солиқ базасини аниқлашда ҳисобга олинади.	305-модда. Умумий қоидалар … (ўн биринчи қисм) Агар ушбу Кодексда бошқача қоида назарда тутилмаган бўлса, бухгалтерия ҳисоби тўғрисидаги қонунчилик талабларига мувофиқ, узоқ муддатли активларнинг дастлабки қийматига ва захираларнинг таннархига киритиладиган харажатлар амортизация ажратмалари воситасида ва бундай захираларнинг таннархи орқали чегирмалар жумласига киритилиши лозим. (ўн иккинчи қисм) Ушбу Кодекс 306-моддасининг еттинчи қисмига мувофиқ амортизация ажратмалари ҳисобланмайдиган узоқ муддатли активларнинг қиймати мазкур активлар ушбу Кодекснинг 298-моддасида назарда тутилган тартибда чиқиб кетаётганда солиқ базасини аниқлашда ҳисобга олинади. ...
Бухгалтерия ҳисоби қонунчилигига кўра баъзи харажатлар капиталлаштирилишига қарамай, солиқ кодексига уларни истисно қилувчи нормалар киритилмоқда. Хусусан, қарзлар бўйича фоизлар бухгалтерия ҳисобида капиталлаштириш мезонига жавоб берса ҳам, солиқ солиш мақсадларида бевосита ҳисобдан чиқарилиши таклиф этилмоқда. Амортизацияланадиган активларни солиқ солиш мақсадларидаги хисоби бухгалтерия ҳисобидан ажратилиши муносабати билан бухгалтерия қонунчилигига берилган ҳавола чиқариб ташланмоқда.