Ўзбекистон республикасининг қонуни

5-модда. Давлат фуқаролик хизматининг асосий принциплари
Давлат фуқаролик хизматининг асосий принциплари қуйидагилардан иборат:
давлат фуқаролик хизматининг ягоналиги;
халққа хизмат қилиш;
қонунийлик;
жисмоний ва юридик шахслар ҳуқуқлари ва қонуний манфаатлари устуворлиги;
профессионаллик ва лаёқатлилик;
виждонийлик ва батартиблик;
давлат фуқаролик хизматига қадр-қиммат ва кўрсатган хизматлари асосида кириш учун (меритократия) тенг имкониятлар;
давлат фуқаролик хизматчиларининг ижтимоий ва ҳуқуқий ҳимояси.
 
2-боб. Давлат фуқаролик хизмати соҳасини давлат томонидан тартибга солиниши
 
6-модда. Ўзбекистон Республикаси Президентининг давлат фуқаролик хизмати соҳасидаги ваколатлари
Ўзбекистон Республикаси Президенти:
давлат фуқаролик хизматини янада такомиллаштириш ва ислоҳ қилишнинг устувор йўналишларини белгилайди;
давлат фуқаролик хизмати масалалари бўйича ваколатли органни шакллантиради, унинг фаолияти вазифалари, функциялари ва ташкилий-ҳуқуқий асосларини белгилайди;
давлат фуқаролик хизмати ишлари бўйича ваколатли органнинг раҳбарини лавозимга тайинлайди ва ундан озод қилади;
Ўзбекистон Республикаси Президентининг номенклатурасига киритилган давлат лавозимларидан иборат давлат хизматчиларини лавозимига тайинлайди ва ундан озод қилади;
қонун билан белгиланган бошқа ваколатларни амалга оширади.
Ўзбекистон Республикаси Президенти ва унинг Администрацияси номенклатурасига киритилган давлат лавозимларидан иборат давлат хизматчилари реестри Ўзбекистон Республикаси Президенти Администрацияси томонидан олиб борилади.
 
7-модда. Ўзбекистон Республикаси Вазирлар Маҳкамасининг давлат фуқаролик хизмати соҳасидаги ваколатлари
Ўзбекистон Республикаси Вазирлар Маҳкамаси:
давлат фуқаролик хизмати соҳасида ягона давлат сиёсатини амалга оширишда қатнашади;
Ўзбекистон Республикаси Вазирлар Маҳкамаси номенклатурасига тегишли давлат фуқаролик хизматчиларини лавозимга тайинлайди ва лавозимдан озод этади;
давлат фуқаролик хизматини молиялаштиришни, давлат фуқаролик хизматини ривожлантириш лойиҳаси ва давлат дастурини молиявий-иқтисодий асослантирилганлигини таъминлайди;
ўз ваколати доирасида давлат дастури ва давлат хизматини ривожлантириш лойиҳаси бўйича зарурий ташкилий чораларни қабул қилади;
давлат фуқаролик хизмати ишлари бўйича ваколатли органи сўровига мувофиқ давлат органлари фаолиятини, давлат кадрлар сиёсати вазифаларини самарали ижро этиш мақсадида мувофиқлаштиради;
қонун ҳужжатлари билан белгиланган бошқа ваколатларни амалга оширади.