Ўзбекистон республикасининг қонуни

6-модда. Физик ўлчамлар бирликларининг эталонлари 
Физик ўлчамларнинг бирликлари эталонлар воситасида сақланади ва қайта 
тайёрланади.
Эталонларни яратиш, тасдиқлаш, сақлаш ва қўллаш тартибини "Ўзстандарт" 
белгилайди. 
(ЎзР 25.04.2003 й. 482-II-сон Қонуни таҳриридаги қисм) 
7-модда. Ўлчов воситалари 

---

Фойдаланишда бўлган ўлчов воситалари ўлчов натижаларининг қонунлаштирилган 
бирликларда белгилаб қўйилган аниқликда бўлишини таъминлаши ва қўллаш шартларига 
мос келиши лозим.
Техника воситаларини ўлчов воситаларига мансуб деб топиш мезонини 
"Ўзстандарт" белгилайди. 
(ЎзР 25.04.2003 й. 482-II-сон Қонуни таҳриридаги қисм) 
8-модда. Ўлчовларни бажариш услубиётлари 
Ўлчовларни бажариш услубиётлари ўлчов натижаларининг хатоликларини 
баҳолашни ўз ичига олиши ва ўлчов ўтказишнинг мавжуд шароитларида белгилаб 
қўйилган аниқликни таъминлаши лозим. Ўлчовлар белгиланган тартибда аттестация 
қилинган ўлчовларнинг бажарилиш услубиётларига мувофиқ ҳолда амалга оширилиши 
лозим.
(ЎзР 26.05.2000 й. 82-II-сон Қонуни
таҳриридаги қисм) 
Ўлчовларни бажариш услубиётларини ишлаб чиқиш ва метрологик аттестация 
қилиш тартибини "Ўзстандарт" белгилайди. 
(ЎзР 25.04.2003 й. 482-II-сон Қонуни 
таҳриридаги қисм) (Олдинги таҳририга қаранг) 
III БЎЛИМ. ЎЗБЕКИСТОН РЕСПУБЛИКАСИНИНГ 
МЕТРОЛОГИЯ ХИЗМАТЛАРИ 
9-модда. Ўзбекистон Республикаси метрология хизматининг тузилиши 
10-модда. Давлат метрология хизмати 
11-модда. Юридик шахсларнинг метрология хизматлари 
9-модда. Ўзбекистон Республикаси 
метрология хизматининг тузилиши 
Ўзбекистон Республикаси метрология хизмати давлат метрология хизматидан ва 
юридик шахсларнинг метрология хизматларидан таркиб топади.
10-модда. Давлат метрология хизмати 
"Ўзстандарт" бошчилик қиладиган давлат метрология хизматига Қорақалпоғистон 
Республикаси, вилоятлар ва Тошкент шаҳридаги давлат метрология хизмати органлари 
киради. 
(ЎзР 25.04.2003 й. 482-II-сон Қонуни таҳриридаги қисм) 
Давлат метрология хизмати органлари давлат метрология текшируви ва назоратини, 
шунингдек фаолиятнинг бошқа турларини амалдаги қонун ҳужжатларига мувофиқ амалга 
оширади.