Ўзбекистон республикасининг қонуни

4-1-модда. Ўлчовларнинг ягона бирликда 
бўлишини таъминлашга оид норматив ҳужжатлар 
Ўлчовларнинг ягона бирликда бўлишини таъминлашга оид, метрология нормалари 
ва қоидаларини белгиловчи ҳамда Ўзбекистон Республикаси ҳудудида мажбурий кучга 
эга бўлган норматив ҳужжатларни тасдиқлаш ва давлат рўйхатидан ўтказишни 
"Ўзстандарт" агентлиги амалга оширади. 
Ўзбекистон Республикасининг корхоналари, ташкилотлари, давлат бошқарув 
органлари, юридик шахслар бирлашмалари метрология соҳасидаги давлат метрология 
текшируви ва назорати татбиқ этиладиган доирадан ташқаридаги нормалар ва қоидаларни 
белгилайдиган, ўлчовларнинг ягона бирликда бўлишини таъминлашга оид, "Ўзстандарт" 
агентлиги томонидан тасдиқланган норматив ҳужжатларни аниқлаштирадиган ва уларга 
зид бўлмаган норматив ҳужжатларни ўз ваколатлари доирасида ишлаб чиқишлари ҳамда 
тасдиқлашлари мумкин. 
(ЎзР 25.04.2003 й. 482-II-сон Қонуни таҳриридаги модда) 
II БЎЛИМ. ФИЗИК ЎЛЧАМ БИРЛИКЛАРИ, 
УЛАРНИ ҚАЙТА ҲОСИЛ ҚИЛИШ ВА ҚЎЛЛАШ 
5-модда. Физик ўлчам бирликлари 
6-модда. Физик ўлчамлар бирликларининг эталонлари 
7-модда. Ўлчов воситалари 
8-модда. Ўлчовларни бажариш услубиётлари 
5-модда. Физик ўлчам бирликлари 
Ўзбекистон Республикасида Халқаро ўлчамлар тизими (СИ)нинг физик ўлчам 
бирликларини белгиланган тартибда қўллашга йўл қўйилади. Физик ўлчам 
бирликларининг номи, белгиси, уларни ёзиш ва қўллаш қоидалари "Ўзстандарт"нинг 
тақдимномасига биноан Ўзбекистон Республикаси Вазирлар Маҳкамаси томонидан 
тасдиқланади. 
(ЎзР 25.04.2003 й. 482-II-сон Қонуни таҳриридаги қисм) 
Ўзбекистон Республикаси Вазирлар Маҳкамаси Халқаро ўлчамлар тизимига 
киритилмаган ўлчамларни қўллашга рухсат бериши мумкин.
Ташқи савдо фаолиятини амалга ошириш чоғида контракт шартларига мувофиқ 
физик ўлчамларнинг ўзга бирликлари ҳам ишлатилиши мумкин.