Ўзбекистон республикасининг бюджет кодекси ўзбекистон Республикасининг

57-модда. Ўзбекистон Республикаси Молия вазирлиги
ҳузуридаги бюджетдан ташқари Умумтаълим мактаблари,
касб-ҳунар коллежлари, академик лицейлар ва тиббиёт
муассасаларини реконструкция қилиш, мукаммал
таъмирлаш ва жиҳозлаш жамғармасининг
даромадларини шакллантириш

Ўзбекистон Республикаси Молия вазирлиги ҳузуридаги бюджетдан ташқари Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасининг даромадлари:

Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига мажбурий ажратмалар;
вақтинча бўш турган маблағларни жойлаштиришдан олинган даромадлар;
қонун ҳужжатларига мувофиқ бошқа манбалар ҳисобидан шакллантирилади.


Қаранг: СКнинг XVI-1 бўлими; Президентнинг 2011 йил 21 ноябрдаги ПҚ-1645-сон "Таълим муассасаларини реконструкция қилиш, мукаммал таъмирлаш ва жиҳозлаш жамғармасини Таълим ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармаси этиб қайта ташкил қилиш тўғрисида"ги Қарорининг 4-банди; ВМ 2010 йил 10 декабрдаги 291-сон Қарори билан тасдиқланган “Бюджетдан ташқари Таълим муассасаларини реконструкция қилиш, мукаммал таъмирлаш ва жиҳозлаш жамғармаси тўғрисида”ги Низомнинг 5-банди
58-модда. Ўзбекистон Республикаси Молия вазирлиги
ҳузуридаги Суғориладиган ерларнинг мелиоратив ҳолатини
яхшилаш жамғармаси даромадларини шакллантириш

Ўзбекистон Республикаси Молия вазирлиги ҳузуридаги Суғориладиган ерларнинг мелиоратив ҳолатини яхшилаш жамғармаси даромадлари:

ҳар йили тасдиқланадиган Ўзбекистон Республикаси Молия вазирлиги ҳузуридаги Суғориладиган ерларнинг мелиоратив ҳолатини яхшилаш жамғармасининг асосий параметрлари доирасида қишлоқ хўжалиги товар ишлаб чиқарувчилари томонидан тўланадиган ягона ер солиғи бўйича тушумларга мувофиқ бюджетдан ажратиладиган маблағлар;
бюджетдан ажратиладиган мақсадли маблағлар;
қонун ҳужжатларига мувофиқ бошқа манбалар ҳисобидан шакллантирилади.


Қаранг: Президентнинг 2007 йил 31 октябрдаги ПҚ-718-сон Қарори билан тасдиқланган “Ўзбекистон Республикаси Молия вазирлиги ҳузуридаги Суғориладиган ерларнинг мелиоратив ҳолатини яхшилаш жамғармаси тўғрисида”ги Низомнинг 4-банди; ВМ 2008 йил 28 ноябрдаги 261-сон Қарори билан тасдиқланган "Ўзбекистон Республикаси Молия вазирлиги ҳузуридаги Суғориладиган ерларнинг мелиоратив ҳолатини яхшилаш жамғармаси даромадларини шакллантириш ва маблағларини сарфлаш тартиби тўғрисида"ги Низомнинг 5-банди